Astanada «Toqta, vandal» aktsııasy aıasynda qoǵamdyq oryndarǵa reıd júrgizildi

<p>Bul is-sharaǵa tártip saqshylary, qoǵam qaıratkerleri, Aýǵan soǵysynyń ardagerleri, aýdan belsendileri, belgili sportshy Aıtym Jaqypov jáne &laquo;Astana jastary&raquo; volonterlary qatysty, dep habarlaıdy <a href="https://kaz.inform.kz/news/sportshiga-dene-zhattiguinan-bolek-mikti-erk-zhger-kerek-parasportshi-1733f6/Kazinform." target="_blank" rel="noopener">Kazinform</a> <a href="https://www.gov.kz/memleket/entities/astana/press/news/details/651295?lang=kk" target="_blank" rel="noopener">elorda ákimdiginiń resmı saıtyna</a> silteme jasap.&nbsp;</p>

Polıtsııa qyzmetkerleriniń aıtýynsha, Astananyń ózinde sońǵy 10 aıda 120 fakt tirkelgen. Buzaqylar aıaldama turaǵy, demalys oryndary sekildi ınfraqurylym nysandaryn búldirgen.

Vandalızm jasaǵandar jazasyz qalmaıdy. Sebebi qazir mundaı buzýshylyqtardy anyqtaýǵa baǵyttalǵan is-sharalar jıi júrgizilýde. Bul aktsııa qala múlkin qorǵaýǵa, qoǵamdyq oryndarda tártipti saqtaýǵa baǵyttalǵan. Bótenniń múlkin qasaqana búldirý ákimshilik jaýapkershilikke, atap aıtqanda 200 AEK-ke deıingi aıyppulǵa ákep soǵady. 90 ákimshilik aıyppul salynyp, óndirildi jáne 17 ákimshilik qamaýǵa alyndy. 

«Sońǵy 10 aıda Astana boıynsha 120 derek tirkeldi. Polıtsııa qyzmetkerleri anyqtalǵannan keıin tıisti sharalar qabyldady. Quqyq qorǵaýshylar quqyq buzýshyny anyqtaıdy, ákimshilik hattama jasaıdy jáne materıaldardy ákimshilik sotqa jiberedi», – dedi Saryarqa aýdany polıtsııa basqarmasynyń jergilikti polıtsııa qyzmeti bólimshesiniń bastyǵy Dilshat Qoıshybaev.

Túngi reıdke «Toqta, vandal» aktsııasy aıasynda belgili sportshy, Street Workout Kazakhstan qozǵalysynyń negizin qalaýshylardyń biri, áleýmettik qaıratker Aıtym Jaqypov pen eriktiler qatysty. 

«Osy aktsııanyń belsendileri jurtshylyqty qalamyzdyń tazalyǵyna tıisti túrde kóńil bólýge shaqyrdy. Kez kelgen azamat qalanyń kelbetin saqtaýǵa kúsh sala alady. Biz vandalızmge qarsymyz. Sondyqtan biz mundaı reıdterge jıi qatysamyz. Bizdiń maqsatymyz – tártipsizdik jasaǵandarmen sóılesý, tárbıe jumysyn júrgizý. Barshańyzdy sportpen shuǵyldanýǵa shaqyramyz», – dep atap ótti Aıtym Jaqypov.

Esterińizge sala keteıik, QR ÁQBtK-niń 434-baby boıynsha 1 200-ge jýyq hattama jasaldy. Vandalızmge qarsy ýaqytyly is-sharalar men jurtshylyqtyń qatysýynyń arqasynda isterdiń sany aı saıyn azaıyp keledi. 

Reıdter elordanyń 5 aýdanynda jalǵasýda, qala boıynsha kúndelikti kezekshilik júrgizilýde, oǵan 2 500 quqyq qorǵaý qyzmetkeri jumyldyryldy.