Astanada TMD qatysýshy memleketteriniń densaýlyq saqtaý salasyndaǵy yntymaqtastyǵy talqylandy
Sharaǵa ıÝNEIDS Atqarýshy dırektory Mıshel Sıdıbe jáne DDSU Eýropa óńirlik bıýrosynyń arnaıy ókili Gaık Nıkogosıan qatysty.
Otyrysta sóz sóılegen QR Densaýlyq saqtaý jáne áleýmettik damý Mınıstri Tamara Dúısenova álemdegi barlyq elderde densaýlyq saqtaý salasyna basa nazar aýdarylatynyn atap aıtty.
Mınıstr AITV/JITS-tiń taralýy boıynsha eskertýge baǵyttalǵan ortaq sharalardy júzege asyrý barysynda Qazaqstanǵa kórsetken kómek sharalary úshin ıÝNEIDS ókilderine, sonymen birge, densaýlyq saqtaý máseleleri jóninde konsýltatsııalyq kómegi úshin DDSU Eýropalyq bıýrosyna alǵys bildirdi.
Óz kezeginde Mıshel Sıdıbe BUU Bas Assambleıasynyń 2016 jylǵy 8-10 maýsymda Nıý-Iorkte ótken JITS-pen kúres máseleleri boıynsha joǵarǵy dárejeli keńesinde BUU múshe elderi Turaqty damý maqsattarynyń aıasynda 2030 jylǵa qaraı JITS epıdemııasyn toqtatý sharalary jónindegi jospardy iske asyrý boıynsha mindettemelerdi alǵanyn málimdedi.
Otyrys barysynda TMD qatysýshy elderi temeki ónimderiniń halyq densaýlyǵyna tıgizetin keri áseri týraly eskertý sharalary, densaýlyq saqtaý salasynyń basym baǵyttarynyń biri retinde alǵashqy medıtsınalyq-sanıtarlyq kómekti damytý, juqpaly emes aýrýlardy baqylaý men olardyń aldyn alý, ózara tájirıbe jáne aqparat almasý, sonymen birge, DDSU komıtetteri men basqarýshy organdarynyń otyrystarynda birlesip sóz sóıleýdi uıymdastyrý men úılestirý máseleleri talqylady.
Shara sońynda Tamara Dúısenova ıÝNEIDS Atqarýshy dırektory Mıshel Sıdıbe myrzaǵa Qazaqstan Assambleıasynyń 20 jyldyǵyna arnalǵan tósbelgisin taǵyp, Arnaıy ókil Gaık Nıkogosıan arqyly dál osyndaı tósbelgini DDSU Eýropa bıýrosynyń aımaqtyq dırektory Jýjanna Jakabqa tabystaýdy ótindi.
TMD qatysýshy-elderiniń densaýlyq saqtaý salasyndaǵy yntymaqtastyǵy boıynsha XXVI kelesi otyrysy 2017 jylǵy sáýir-mamyr aılarynda Qyrǵyzstanda ótpek.