Astanada tilderdi damytýǵa qosymsha 103 mln teńge bólindi

<p>ASTANA. KAZINFORM &ndash; Astana qalasy ekonomıka jáne bıýdjetti josparlaý basqarmasynyń basshysy Qaısar Mańqaraev qazaq jáne basqa da tilderdi damytýǵa qosymsha qarajat bólingenin aıtty.</p>

«Dene shynyqtyrý jáne sport basqarmasyna respýblıkalyq jáne halyqaralyq jarystarǵa qurama komandalardy daıarlaýǵa jáne qatysýǵa, jan basyna shaqqandaǵy qarjylandyrýǵa memlekettik áleýmettik tapsyrysqa, jasóspirimderge arnalǵan sport mektepterine jabdyq satyp alýǵa jalpy somasy 3 mlrd 667 mln teńge qarajat bólý kózdelip otyr», - dedi Qaısar Mańqaraev qoǵamdyq keńes otyrysynda. 

Sondaı-aq, basqarma basshysy Tilderdi damytý jáne arhıv isteri basqarmasyna memlekettik tildi jáne basqa da tilderdi damytýǵa qosymsha 103 mln teńge bólingenin aıtty. 

«Sonymen qatar Kólik jáne jol kólik ınfraqurylymyn damytý basqarmasyna, kólik ınfraqurylymyn damytýǵa jáne qoǵamdyq kólik tasymaldaýshylarynyń shyǵystaryn sýbsıdııalaýǵa qosymsha 25 mlrd teńge qarajat bólý usynylyp otyr. Kommýnaldyq sharýashylyq basqarmasyna nóser kárizderiniń kútimine, ony tazartýǵa «Astana sý arnasy» atmosferalyq jerústi aǵyndaryn jiberý men tazartýǵa, sýmen jabdyqtaý jáne sý burý júıesin damytýǵa qosymsha 14 mlrd 254 mln teńge qarajat bólý suralady», - deıdi Q. Mańqaraev.