Astanada «Tilderdi jedeldete oqytýdyń zamanaýı tehnologııasynyń ınnovatsııalyq joldary» konferentsııasy ótedi
Bul týraly QR Mádenıet mınıstrliginen habarlady.
«Qazaqstan Respýblıkasy Mádenıet jáne aqparat mınıstrliginiń Til komıteti Qazaqstan Respýblıkasy Úkimetiniń 2011 jylǵy 29 shildedegi № 878 qaýlysymen bekitilgen Qazaqstan Respýblıkasynda tilderdi damytý men qoldanýdyń 2011 - 2020 jyldarǵa arnalǵan memlekettik baǵdarlamasyn iske asyrý jónindegi 2011- 2013 jyldarǵa arnalǵan is-sharalar josparynyń 32-tarmaǵyn oryndaý jáne tilderdi oqytý sheńberinde aldyńǵy qatarly halyqaralyq jáne otandyq ǵylymı-pedagogıkalyq ozyq tájirıbelerdi qoldaný maqsatynda 2013 jyldyń 20 qarashasynda Astana qalasynyń «Tilep qobyz saraıynyń» májilis zalynda «Tilderdi jedeldete oqytýdyń zamanaýı tehnologııasynyń ınnovatsııalyq joldary» halyqaralyq ǵylymı-praktıkalyq konferentsııasyn ótkizedi.
Konferentsııa maqsaty: tilderdi úırený sheńberinde alǵyshartty halyqaralyq pen otandyq ǵylymı-pedagogıkalyq tájirıbelerdi keńeıtý, ınteraktıvti tehnologııalardy qoldaný arqyly tilderdi jedeldete úıretýdiń tıimdi jáne zamanaýı ádistemelerin qoldaný, zamanaýı aqparattyq tehnologııalardyń oqytý múmkindikterin anyqtaý», - delingen habarlamada.
Konferentsııa barysynda «Tilderdi oqytýdaǵy aqparattyq-kommýnıkatsııalyq tehnologııalar», Sheberlik klass taqyryptary boıynsha plenarlyq jáne sektsııalyq májilister josparlanyp otyr.
Konferentsııa jumysyna qazaqstandyq jáne alys, jaqyn shetelderden ǵalym-oqytýshylar, sala mamandary, ádisker-ǵalymdar, jergilikti atqarýshy organdardyń ókilderi, qazaq tilinde is júrgizetin mamandar, úkimettik emes uıymdar qatysatyn bolady.
Іs-sharanyń negizgi nátıjesi til oqytý salasynda tájirıbe almasý men oqytý barysynda tek qana stýdentterge ǵana emes, oqytýshylarǵa da praktıkalyq kómek bolatyn, sarapshylar usynǵan nusqaýlary teorııalyq tereń túsinýdi jáne tájirıbelik qoldanýdy talap etetin tájirıbe almasýy jáne oqý úderisine aqparattyq tehnologııalardy endirý joldaryn saraptaý bolyp tabylady.