Astanada terrorızmniń aldyn alý boıynsha oqý sharalary ótýde

ASTANA. QazAqparat - Búgin «Almaty» aýdany ákimdiginiń aýmaǵy men «Barys Arena» sport kesheninde elordalyq terrorızmmen kúres boıynsha jedel shtab josparly jedel-áreket etý oqýlaryn ótkizip jatyr.

Qala ákimdigi saıtynyń habarlaýynsha, sharanyń maqsaty - terrorıstik qaýip tóngen jaǵdaıda elordanyń jedel shtabynyń kúshi men múmkindikterin baǵamdaý. Jedel sharany uıymdastyrýshylar qala turǵyndary men qonaqtardy túsinistikpen qarap, tynyshtyq saqtap, baıbalam salmaýǵa shaqyrady.

Oqý barysynda arnaıy operatsııa júrgizý jóninde is-qımyldarǵa mashyqtaný, sonymen qatar terrorızm aktilerinazaıtýǵa arnalǵan sharalar qarastyrylady.

Uıymdastyrýshylardyń aıtýynsha, oqytý áskerı jaǵdaılarǵa negizdelip, túrli deńgeıdegi qıyn elementter jasalady.