Astanada terrorızmge qarsy oqý-jattyǵý ótedi
08:44, 27 Shilde 2023
ASTANA. QazAqparat – 27-28 shilde kúnderi QR Terrorızmge qarsy kúres ortalyǵynyń uıymdastyrýymen Terrorızmge qarsy Astana qalalyq shtaby josparly oqý-jattyǵý ótkizedi, dep habarlaıdy QazAqparat shtabtyń baspasóz qyzmetine silteme jasap.
Terrorızmge qarsy oqý-jattyǵýdyń maqsaty – quqyq qorǵaý jáne arnaıy organdardyń lańkestik kórinisterine shuǵyl áreket etý boıynsha daıyndyǵyn tekserý.
«Shekteý sharalary, sonyń ishinde jaıaý júrginshiler men kólikterdiń qozaǵylysyna tyıym salý josparlanǵan. Oqý-jattyǵý túrli kúrdelelik elementterin qamtı otyryp, shynaıy urys jaǵdaılaryna barynsha jaqyndatylǵan.
Azamattardy ótkiziletin oqý is-sharalaryna túsinistikpen qarap, qaýipsizdik sharalaryn saqtaýǵa, jumyldyrylǵan memlekettik organdar qyzmetshileriniń zańdy talaptaryn oryndaýǵa, tek resmı aqparat kózderine senýge jáne halyq arasynda jalǵan aqparattyń taralýyna jol bermeýge shaqyramyz», - dep málim etti Terrorızmge qarsy Astana qalalyq shtabynan.