Astanada terezeni shaǵyp, kompıýterlerdi syndyrǵan vandaldar jazaǵa tartyldy

<p>ASTANA. KAZINFORM - Elordada vandalızm aktilerimen jáne qoǵamdyq tártipti buzýdyń kez kelgen jaǵdaıymen kúresý boıynsha turaqty jumys júrgizilýde. Polıtseıler kezekti vandaldardy taýyp, jaýapkershilikke tartty, dep habarlaıdy Astana ákimdiginiń resmı saıty.</p>

Máselen, 19 qazan kúni saǵat 16:50 shamasynda Abylaı han dańǵylynda mas kúıinde júrgen 30 jastaǵy er adam kóliktiń áınegine ádeıi syndyrǵan. Ol óziniń is-áreketimen 400 000 teńge shyǵyn keltirdi.

Taǵy bir oqıǵa Kúıshi Dına kóshesinde ornalasqan «Qazposhta» fılıalynda boldy, 39 jastaǵy astanalyq janjal kezinde qurylǵyny laqtyryp, kompıýterdi syndyrý arqyly materıaldyq shyǵyn keltirdi.

Eki buzýshy da tabylyp, ákimshilik jaýapkershilikke tartyldy.

Astanada «Toqta, vandal» aktsııasy aıasynda kúndizgi jáne túngi reıdter, sondaı-aq turǵyndar arasynda qoǵamdyq tártipti saqtaýdyń jáne qala múlkine uqypty qaraýdyń mańyzdylyǵy týraly túsindirý jumystary júrgizilip jatyr.

Aktsııanyń maqsaty – vandalızmniń kez kelgen jaǵdaıyn boldyrmaý jáne elordada tazalyq pen tártipti saqtaý.

Aktsııaǵa eriktiler, belsendiler, tanymal sportshylar, qoǵam qaıratkerleri jáne qala turǵyndary qosylyp, profılaktıkalyq jumystar júrgizilýde.

Jyl basynan beri sot 260-qa jýyq adamdy bótenniń múlkin qasaqana búldirgeni, jalpy paıdalaný oryndaryn lastaǵany, ǵımarattar men turǵyn úı-jaılardy búldirgeni úshin jazalady. Olardyń barlyǵy jaýapqa tartyldy.

Vandalızmniń aldyn alý jumysy qalalyq prokýratýra men polıtsııa departamentiniń úılestirýimen júrgiziledi.