Astanada teńge ilý men aýdaryspaqtan Azııa chempıonattary ótedi

ASTANA. QazAqparat - Astana qalasynyń 20 jyldyǵyn merekeleý aıasynda teńge ilý jáne aýdaryspaqtan Azııa chempıonattary ótedi. Bul týraly Ortalyq kommýnıkatsııalar qyzmetindegi baspasóz máslıhatynda QR Mádenıet jáne sport mınıstri Arystanbek Muhamedıuly málim etti, dep habarlaıdy QazAqparat.

«Osyndaý mańyzdy data qarsańynda bizdiń vedomstvo mádenı sharalarmen birge, sporttyq saıystardy daıarlap jatyr. 31 mamyrdan 2 maýsym aralyǵynda sizderdi «Qazanat» ıppodromynda ulttyq sport túrleri boıynsha óte tartymdy sharalar kútip tur. Atap aıtqanda, teńge ilýden ІІ Azııa jáne aýdaryspaqtan ІІІ Azııa chempıonattary ótedi», - dedi mınıstr.

Atalǵan sporttyq sharalarǵa ıÝNESKO-nyń  Dástúrli sporttar men oıyndar komıteti  ókilderiniń qatysýy josparlanǵan.

«Teńge ilý jarysyna  7 elden sportshylar keledi, ıaǵnı olardyń arasynda Túrkııa, Reseı, Ózbekstan, Qyrǵyzstan, Tájikstan, Aýǵanstan men Mońǵolııa bar. Al aýdaryspaq saıysyna 9 memlekettik sportshylary elimizge saparlaıdy. Shetel tarapynan osyndaı chempıonattarǵa qyzyǵýshylyq joǵary», - A. Muhamedıuly.

Onyń atap ótýinshe, teńge ilýden ІІ Azııa jáne aýdaryspaqtan ІІІ Azııa chempıonattarynyń jalpy júlde qory - 14 000 000 teńge.

Esterińizge sala keteıik, aýdaryspaqtan I Azııa chempıonaty 2014 jyly Astanada, II Azııa chempıonaty 2016 jyly Qytaıda ótken bolatyn. Al  teńge ilýden I Azııa chempıonaty Astanada 2015 jyly uıymdastyryldy.