Astanada temirjolshylar «Júrgizýshi, poıyzdy ótkiz!» aktsııasyn ótkizdi (FOTO)

ASTANA.QazAqparat - Búgin Astanadaǵy temirjol torabynda «Júrgizýshi, poıyzdy ótkiz!» aldyn alý aktsııasy bolyp ótti. Onyń maqsaty - kólik júrgizýshilerine jol júrý erejelerin jáne temirjol ústimen ótetin jerlerde qaýipsizdik sharalaryn saqtaý mańyzdylyǵy týraly eske salý.

«Lokokotıv» AQ-nyń málimetterinshe, bıylǵy jyldyń segiz aıynyń ishinde kóliktermen soqtyǵysýdyń 14 oqıǵasy tirkelgen. Bul rette eki adam - jolaýshy men júrgizýshi zardap shekti.

Temirjol ústinen ótetin jerlerde bolatyn soqtyǵysýlardyń barlyǵy júrgizýshilerdiń ol arqyly ótý erejelerin buzýymen bolatynyn atap ótý kerek.

Aktsııanyń barysynda lokomotıv mashınısteri men mashınısterdiń kómekshileri kólik júrgizýshilerine arnaıy jadynamalardy tabystady.

«Lokomotıv» AQ-da jol qozǵalysy erejelerine sáıkes, qozǵalys qatysýshysy temir joldan ótken kezde óte muqııat bolý kerek ekenin eske salady. Kólik quralynyń júrgizýshisi ornatylǵan jol belgilerine, jaryq jáne dybys dabylnamasyna, shlagbaýmnyń ornalasýyna sáıkes júrýi tıis, Bul erejelerdi saqtaý temir joldaǵy qaýipti jaǵdaılardy azaıtýǵa nemese aldyn alýǵa kómektesedi.

Osyǵan uqsas aktsııa «Lokomotıv» AQ-nyń barlyq fılıaldarynda ótedi.