Astanada «Temirjol arýy» fotobaıqaýynyń jeńimpazy anyqtaldy

ASTANA. 6 naýryz. QazAqparat - Búgin Astanada «Qazaqstan temirjoly» ulttyq kompanııasynyń «Temirjol arýy» atty fotobaıqaýdyń qorytyndysy shyǵaryldy.

«Qaraǵandy - Sortırovochnaıa» stansasynyń kezekshisi Maral Aryqbaeva úshinshi orynǵa ıe bolsa, «Temirjol jóndeý» AQ is basqarý jáne kadr jumysy bóliminiń mamany Aleksandra Agafonova ekinshi orynǵa saı dep tanyldy. Al, «Qaztemirtrans» AQ is basqarý jáne ujymmen jumys basqarmasynyń bas mamany Mınýar Sarqynshaqova júldeli birinshi oryndy ıemdendi.

Sondaı-aq, «Kórermen kózaıymy» atalymynda Perızat Kereıbaeva, Ilmıra Bakıeva jáne Gaýhar Orynbasarovalardyń baǵy jandy.