Astanada temir jol bıletterin arnaıy termınaldar arqyly satý bastaldy
Osyǵan oraı búgin elorda vokzalynda jolaýshylar bıletterin elektrondy túrde satyp alýǵa múmkindik beretin óz-ózine qyzmet kórsetý tranzaktsııalyq termınaldarynyń tanystyrylymy boldy.
Atalǵan termınaldar azamattarǵa bankomat kartochkasy arqyly óz erkimen bıletti tańdap, satyp alýǵa múmkindik beredi. Osy operatsııa kezinde «Halyq banki» tólem kartochkasynan bılet qunynyń 1-2 paıyzy ustalsa, basqa ekinshi deńgeıdegi bankter 1-4 paıyzǵa deıin tólemaqy ustap qalady. Sondaı-aq jańa termınaldardyń negizinde Internet arqyly tapsyrys bergen bıletterdi basyp shyǵarýǵa múmkindik bar. Ol úshin jolaýshy arnaıy blankidegi shtrıh-kodty skaner arqyly ótkizýi tıis nemese elektrondy bılettiń 14 tańbaly nómirin jáne jeke qujattyń nómirin terýi qajet.Termınaldar bir ýaqytta 4 jolaýshyǵa deıin «tolyq» jáne «balalar» tarıfteri boıynsha bılet satyp alýǵa múmkindik beredi.
«Jolaýshylar tasymaly» AQ-synyń Strategııalyq damý jáne jańa tehnologııalardy engizý jónindegi atqarýshy dırektory Asylhan Qaldykózovtyń aıtýynsha, osy ýaqytqa deıin atalǵan termınaldar arnaıy tekseristen ótip, buǵan deıin bolǵan barlyq aqaýlyqtar joıylǵannan keıin, jyldyń basynan beri 4 termınal Astana qalasynyń jańa jáne eski vokzal ǵımarattarynda, sondaı-aq «Qazaqstan temir joly» kompanııasynyń bas keńsesinde iske qosylyp otyr. Aldaǵy ýaqytta elimizdiń iri aımaqtarynda qosymsha 10 termınaldy ornatý josparlanyp otyr.