Astanada teatr artısteri konkımen jarysty

ASTANA. QazAqparat - Astanada teatrlardyń shyǵarmashylyq ujymdary arasynda konkımen júgirýden jarys ótti, dep habarlaıdy QazAqparat qalalyq Mádenıet jáne sport basqarmasyna silteme jasap.

«Kóńildi start» jarystaryna Qalıbek Qýanyshbaev atyndaǵy qazaq mýzykalyq drama teatrynyń, Maksım Gorkıı atyndaǵy orys drama teatrynyń, Astananyń Komedııa teatrynyń, «Naz» Memlekettik bı teatrynyń komandalary men «Shabyt» Qazaq ulttyq óner ýnıversıtetiniń jáne Aıgúl Imanbaevanyń teatrynyń ujymdary qatysty.

«Alaý» muz aıdyny saraıynda 6 komanda sapynda 24 artıst sheberlik baıqasty. «Kóńildi start» jarysy 5 kezeńmen uıymdastyryldy: «Estafeta», «Kóńildi bıatlon», «Kim júırik?», «Hokkeı doby» jáne kapıtandar baıqaýy. Jınaǵan upaı sanynyń qorytyndysy boıynsha týrnırlik kestede oryndar tómendegideı belgilendi:

I oryn -«Shabyt» qazaq ulttyq óner ýnıversıteti,

II oryn -«Naz» Memlekettik bı teatry,

III oryn - Qalıbek Qýanyshbaev atyndaǵy qazaq mýzykalyq drama teatry jáne Komedııa teatry.

«Bul Jastar jyly ótkizilip otyrǵan jaqsy bastama. Astanada sport pen salaýatty ómir salty jaqsy nasıhattalady. Jastardy óner men sportqa baýlý qajet. Osyndaı sharalar jıi uıymdastyrylýy tıis», - dedi jarysqa qatysqan qazaq drama teatrynyń akteri Nurken Óteýilov.