Astanada Táýelsizdik kúnine oraı qandaı is-sharalar ótedi

<p>Elordada Táýelsizdik kúnine oraı túrli merekelik jáne resmı is-sharalar, onyń ishinde kórmeler, kontsertter, sýret baıqaýlary, týrnırler men spartakıadalar ótedi, dep habarlaıdy <a href="https://kaz.inform.kz/" target="_blank" rel="noopener">Kazinform</a> elorda ákimdiginiń resmı saıtyna silteme jasap.&nbsp;</p>

13-15 jeltoqsanda «Jansaıa» ortalyǵynda patrıottyq ánder, óleńder, sýretter baıqaýy, 14-16 jeltoqsanda «Barys-Arenada» júzýden «ASTANA OPEN» ashyq respýblıkalyq týrnır ótedi. 

14 jeltoqsan kúni saǵat 11.00-de «ALJIR» murajaı-memorıaldyq kesheni «Táýelsizdik – tuǵyrym» taqyrybynda is-shara uıymdastyrady. 

15 jeltoqsan kúni saǵat 11.00-de Astana memlekettik arhıvinde «Táýelsizdik jolynda» arhıvtik qujattarynyń kórmesi ótedi. Sonymen qatar «Nurly júrek» áleýmettik qyzmet kórsetý ortalyǵynda merekelik kontsert kórsetiledi. 

15 jeltoqsan kúni saǵat 10.00-de «Arǵymaq» at-saýyqtyrý kesheninde at sportynan jarystar ótkiziledi. Dál osy kúni saǵat 12.00-de «Astana» SK-da múkis sportshylar arasynda shaǵyn fýtboldan Astana qalasynyń Ashyq Kýbogy ótedi. 

15 jeltoqsanda «Beeline Arena» sport kesheninde alǵash ret «ІVA Chempıondar túni» — «Astana Arlans» bokstan týrnır bastalady. 

15-20 jeltoqsan aralyǵynda uldar men qyzdar arasynda qol dobynan Astana Kýbogy jáne uldar arasynda gandboldan ashyq týrnır ótedi. 

16 jeltoqsan kúni saǵat 14.00-de qýyrshaq teatry kórermenderge S.Júnisovtiń «Atameken» spektaklin usynady. Sol kúni saǵat 18.00-de.M. Gorkıı sahnasynda «Álııa» spektakl-dramasy bastalady. 

16-17 jeltoqsanda sadaq atýdan Astana kýbogy bolady. 

17 jeltoqsanda Saryarqa aýdanynyń turǵyndary úshin dene shynyqtyrý-saýyqtyrý kesheninde (Kóktal 2, Barshyn kóshesi, 30/2 ) Spartakıada ótedi. 

Esterińizge sala keteıik, Táýelsizdik kúni merekesi qarsańynda elordada «10 ıgi is» uranymen áleýmettik qaıyrymdylyq sharalary ótip jatyr. Basty maqsat – qala men onyń turǵyndary úshin ıgi is jasaý.