Astanada tańnan beri 40 jol apaty tirkeldi

<p>22 qarasha kúni tańǵy ýaqyttan beri 40 jol-kólik apaty tirkeldi. Bul týraly Astana qalasynyń Polıtsııa departamenti málim etti, dep habarlaıdy <a href="Kazinform" target="_blank" rel="noopener">Kazinform</a>.</p>

Departament aýa raıynyń nasharlaýy men jaýyn-shashynǵa baılanysty jol qozǵalysynyń barlyq qatysýshylaryna barynsha muqııat jáne saq bolýǵa shaqyrady.

«Jol qozǵalysy erejelerin, jyldamdyq rejımin, qaýipsiz qashyqtyqty, manevr erejelerin jáne búıirlik aralyqty qatań saqtańyzdar. Kólik júrgizýshileri shuǵyl manevrler men tejeý jasaýdan bas tartýy qajet. Sondaı-aq, rýlde gadjetterdi paıdalanbańyzdar. Jol erejelerin elemeý, atap aıtqanda jyldamdyq rejımin saqtamaý qaıǵyly saldarǵa ákelýi múmkin. Kúndizgi jaryq azaıǵanda qaýip arta túsedi. Jańbyrly aýa-raıynda kóriný shekteýli bolatynyn eske salamyz», - dep jazdy Polıtsııa departamenti Instagram jelisinde.

Aıta keteıik, jańbyr, daýyldy jel men kóktaıǵaqqa baılanysty Astanadan shyǵatyn barlyq joldar jabyldy.