Astanada taksıst vokzaldan túsken jolaýshyny áýdem jerdegi «Saparjaıǵa» aqyǵa aparǵan

<p>Astanada taksı júrgizýshisi sheteldikti 150 metr jerge aparǵan, dep habarlaıdy <a href="https://kaz.inform.kz/" target="_blank" rel="noopener">QazAqparat</a> polıtsııaǵa silteme jasap.&nbsp;</p>

Astana temirjol vokzalynda reıd kezinde kólik polıtseıleri elordanyń 50 jastaǵy turǵynyn anyqtady.

Ol temirjol vokzalynan eki jolaýshyny tasymaldaǵan.

Er adam bir joalýshynyń sheteldik ekenin ári qalany bilmeıtinin paıdalanyp, ony vokzaldan 150 metr qashyqtyqta ornalasqan «Saparjaı» avtovokzalyna 500 teńgege aparýǵa kelisken. 

Atalǵan fakti boıynsha quqyqbuzýshy QR ÁQBtK 449-babynyń 1-bóligi (qoǵamdyq oryndarda tıisý) jáne ÁQBtK 463-babynyń 1-bóligi (tıisti tirkeýsiz kásipkerlik qyzmetpen aınalysý) boıynsha ákimshilik jaýapkershilikke tartyldy.

Esterińizge sala keteıik, ákimshilik jaza qoldanylǵannan keıin bir jyl ishinde qaıtalap jasalǵan qoǵamdyq oryndarda tıiskeni úshin 10 AEK aıyppul nemese 5 táýlikke qamalady. 

Zańsyz kásipkerlik qyzmetpen aınalysqany úshin jeke tulǵalarǵa 30 AEK mólsherinde aıyppul qaralǵan.