Astanada taǵy eki kóshe jóndeýge jabylady

ASTANA. QazAqparat – Astananyń Kólik jáne jol-kólik ınfraqurylymyn damytý basqarmasy Ǵumar Qarash pen Birjan sal kóshelerinde jol jóndeý jumystaryn júrgizýde, dep habarlaıdy QazAqparat qala ákimdiginiń saıtyna silteme jasap.

Atap aıtqanda, Ǵumar Qarash kóshesi boıynda Á. Mámbetov kóshesinen Respýblıka dańǵylyna deıingi ýchaskede ortasha jóndeý júrgizilip jatyr. Osyǵan baılanysty 19-21 mamyr aralyǵynda bul ýchaskede qozǵalys ishinara jabylady. Al 22-25 mamyr aralyǵynda tolyq jabylady dep kútiledi.

Sonymen qatar Birjan sal kóshesi boıynda V. Gete kóshesinen І.Esenberlın kóshesine deıingi ýchaske jóndelip jatyr. Bul jerde kólik qozǵalysy 19-23 mamyry aralyǵynda ishinara toqtatylady.

Elorda turǵyndary men qonaqtary qala joldarynda keptelis týdyrmaý úshin óz baǵytyn aldyn ala josparlaǵany jón.