Astanada taǵy bir jaıly mektep ashyldy

<p>ASTANA. KAZINFORM &mdash; Astana qalasynyń ákimi Jeńis Qasymbek&nbsp;<a href="https://www.instagram.com/p/DDjrDDKOj8W/?igsh=MW1lMWo0Z2FtMmZ6Zw==" target="_blank" rel="noopener">Instagram</a> paraqshasynda qalada ashylǵan kezekti jaıly mektep týraly jazdy, dep habarlaıdy elorda ákimdiginiń resmı saıty.</p>

— Taǵy bir jaıly mektepti ashtyq. Bul — oqý jyly bastalǵannan beri biz ashqan on segizinshi jańa mektep. Jańa úlgidegi mektep Úrker eldi mekeninde ornalasqan. Bilim ordasy eki aýysymda 4 myń oqýshy ornyna eseptelgen. Qazirgi ýaqytta № 69 mektep-lıtseıinde balalar úsh aýysymda oqıdy. Osylaısha, jańa ashylǵan mektep oqýshylardyń sany tolyp ketý máselesin sheshedi. Balalar bul jerde 3 toqsannan bastap oqýyn bastaıdy, — dep jazdy qala ákimi.

Foto: Astana qalasynyń ákimdigi

Jeńis Qasymbektiń aıtýynsha, Memleket basshysynyń «jaıly mektep» ulttyq jobasy aıasynda elordada jańa úlgide 11 mektep salynyp, esigin aıqara ashty. Osy ulttyq joba aıasynda 2024-2025 jyldar aralyǵynda jańa formatta 24 mektep salynady. Bul oqý oryndary eki aýysymda 90 myńǵa jýyq oqýshy ornyn ashýǵa múmkindik beredi.

—Jyl sońyna deıin taǵy birneshe mektep ashý josparymyzda bar. Sol sııaqty aldaǵy jyldarǵa da daıyndalyp otyrmyz. Máselen, 2025 jyly taǵy 20-dan astam mektep salyp, qoldanysqa berýdi josparlap otyrmyz, — dep jazdy elorda ákimi.

Buǵan deıin habarlanǵandaı, Almaty oblysynyń aýylynda besinshi «jaıly mektep» ashyldy.