Astanada taǵy 7 kóshede avtobýs jolaǵy paıda bolady

<p>ASTANA. KAZINFORM - City Transportation Systems kompanııasy Astanada jeti kóshede jalpy uzyndyǵy 58,6 shaqyrym Bus Lane jolaǵyn engizý josparlanyp otyrǵanyn habarlady.&nbsp;&nbsp;</p>

Aldaǵy ýaqytta arnaıy jolaqtar Máńgilik el, Turan, Uly Dala, Qoshqarbaev, Táýelsizdik dańǵyldary men Kereı Jánibek handar, Aıtmatov kóshelerine salynady.

Bólingen jolaqtardy engizý merzimi mamyr aıynyń sońynan bastap habarlanady.

Bul qoǵamdyq kóliktiń júrý ýaqytyn 6 mınýtqa qysqartady.

Máselen, 18 mınýttan 12 mınýtqa deıin.

Sondaı-aq, avtobýstardyń qozǵalys jyldamdyǵyn 16 km/saǵ-tan 19 km/saǵ-qa deıin arttyrýǵa yqpal etedi.

Bus Lane jobasy alǵash ret Astana qalasynda 2015 jyly 26 shildede eki ýchaskede pılottyq rejımde engizildi: Momyshuly, Abylaı han, Saraıshyq kóshesine deıin jáne Bógenbaı batyr dańǵylynda Ýálıhanov kóshesinen Saryarqa dańǵylyna deıingi aralyqta.

Qazir qalada avtobýstar jolaǵynyń jalpy uzyndyǵy — 100,5 shaqyrym.

27 jol bóliginde engizilgen.