Astanada suranysqa ıe mamandyqtar tizimi jasaldy

ASTANA. QazAqparat - Astana qalasynyń Jumyspen qamtý ortalyǵy búgingi kúni qajet etilip otyrǵan jáne aldaǵy taıaý jyldary suranysqa ıe bolatyn mamandardyń tizimin jarııalady, dep habarlaıdy QazAqparat ákimdiktiń medıa ortalyǵyna silteme jasap.

Málimetterge sáıkes, elorda burynǵydaı jumysshy mamandyqtarǵa zárý. Reıtıngtiń birinshi jolynda qurylysshy mamandyǵy tur. Tek bıylǵy jyldyń ózinde túrli qalalyq kásiporyndardan 3 myńǵa jýyq suranys túsken. Jáne bul mamandyqqa degen suranys aldaǵy jyldary turaqty bolady.

Astanada ártúrli jumystardy atqaratyn adamdarǵa qajettilik  eki esege az. Degenmen, bul kásip tapshy mamandyqtar reıtınginiń ekinshi ornynda tur. Jyl basynan 1,7 myń bos oryn boldy.

Úshinshi orynda - medıtsına qyzmetkerleri. 2017 jyl bastalǵaly Jumyspen qamtý ortalyǵyna jumys berýshilerden 705 suranys túsken. Bul rette, mamandardyń boljaýynsha, aq halattylarǵa degen suranys aldaǵy jyldary turaqty túrde artyp otyratyn bolady.

Elordada sondaı-aq asúı jumysshylaryna, menedjerlerge, eden jýýshylarǵa, montajdaýshylarǵa, júrgizýshiler men aǵash sheberlerine suranys turaqty. Odan bólek, ákimshiler, kondıterler, aspazshylar, kúzetshiler men tiginshilerge bos oryndar jeterlik.

2017 jyldyń birinshi toqsanynda Astana qalasynda jumyssyzdyq deńgeıi 4,6 paıyzdy qurady.