Astanada sýmen jabdyqtaý qyzmetterin turaqty usyný máseleleri talqylandy
Semınardy Dúnıejúzilik bank Qazaqstan Respýblıkasy Indýstrııa jáne ınfraqurylymdyq damý mınıstrliginiń Qurylys jáne turǵyn úı-kommýnaldyq sharýashylyq isteri komıteti men «TKSh jańǵyrtý men damytýdyń qazaqstandyq ortalyǵy» AQ qoldaýymen uıymdastyrdy. Bul jıyn kórsetiletin qyzmetterdi berýshilerdiń ózara baılanysty tehnıkalyq jáne qarjylyq ónimdiligin arttyrýǵa, sondaı-aq sý sektoryndaǵy basqarý, retteý jáne ınstıtýtsıonaldyq qadaǵalaý fýnktsııalaryn jetildirýge baǵyttalǵan. Sondaı-aq, Qazaqstan Respýblıkasy Ulttyq ekonomıka mınıstrliginiń Tabıǵı monopolııalardy retteý komıtetimen tarıftik júıeni jetildirý joldary talqylandy.
Basqosýda «TKSh jańǵyrtý men damytýdyń qazaqstandyq ortalyǵy» AQ Basqarma tóraǵasy A.Ýmerbaev alǵy sóz sóıledi, ol kórsetiletin qyzmetterdi berýshilerdiń ózara baılanysty tehnıkalyq jáne qarjylyq kórsetkishterin arttyrý, turaqty qyzmet kórsetý úshin sheshýshi mańyzy bar sektordy basqarý, retteýshi jáne ınstıtýtsıonaldyq qadaǵalaý fýnktsııalaryn jetildirý maqsatynda sektordyń turaqtylyǵy máselesin sheshýdiń mańyzdylyǵyn jáne kommýnaldyq sharýashylyqty qaıta qurý qajettiligin atap ótti.
Semınarǵa qatysýshylar qyzmet kórsetý sapasyn arttyrý jáne krıtıkalyq ınfraqurylymnyń qyzmet etý merzimin uzartý úshin aktıvterdi basqarýdy jaqsartý joldaryn qarastyrdy. Semınar barysynda qatysýshylar ornyqtylyqty arttyrý jáne qyzmet kórsetý maqsatynda operatsııalyq tıimsizdikti tómendetý jáne shyǵyndardy azaıtý ádisterin qarastyrdy. Іs-shara qoldanystaǵy resýrstardy paıdalana otyryp, ónimdilikti birtindep arttyrý úshin tıimdi basqarýdy naqty, tutynýshyǵa baǵyttalǵan kózqaraspen ıntegratsııalaýdyń mańyzdylyǵyn atap ótti.
«Bul trenıng Qazaqstan úshin el turǵyndarynyń taza sýǵa úzdiksiz qol jetkizýin qamtamasyz etýdegi mańyzdy qadam bolyp tabylady. Maqsatqa jetý úshin biz qyzmet kórsetýdiń tıimdiligin arttyrýǵa da, júıeniń qarjylyq turaqtylyǵyna da únemi nazar aýdarýymyz kerek», - dedi Dúnıejúzilik Banktiń sýmen jabdyqtaý jáne sanıtarııa jónindegi aǵa mamany Haırı Al-Djamal.
Sý ınfraqurylymyn jaqsartý saıasatty durys ázirleý men qoldanýdy, qyzmetterdi retteýdi jáne qyzmet kórsetýshilerdiń áleýetin nyǵaıtýdy qamtıtyn sektordy basqarýdyń tutastyq tásilin qajet etedi. Munyń bári sektordy damytýǵa qajetti ınvestıtsııalardy tartýǵa, usynylatyn qyzmetterdi jaqsartýǵa jáne keńeıtýge, eldiń aǵymdaǵy jáne bolashaq qajettilikterin optımaldy túrde qanaǵattandyrýǵa kómektesedi.
Semınar Ortalyq Azııa úshin sý-energetıkalyq baǵdarlamanyń (CAWEP) qoldaýymen ótkizildi. CAWEP — bul óńirlik deńgeıde jáne benefıtsıar elderde sý jáne energetıkalyq qaýipsizdikke járdemdesý úshin qolaıly jaǵdaılardy nyǵaıtý maqsatynda Dúnıejúzilik bank, Eýropalyq Odaq, Shveıtsarııa jáne Ulybrıtanııa arasyndaǵy áriptestik.