Astanada sý tasqynyna qarsy is-sharalar boıynsha baılanys qyzmeti iske kirisedi

ASTANA. 19 aqpan. QazAqparat - Kóktemgi sý tasqynyna qarsy is-sharalar daıyndyǵy jospary aýqymynda elordada daıyndalǵan dıspetcherler quramy jasaqtalyp, baılanys telefondary bólindi. Bul týraly astana.kz saıtynan habarlandy.

Atalǵan baılanys quraldary bıylǵy jyldyń 1 naýryzynan bastap jumys isteıdi. Endi «051 qyzmeti» memlekettik mekemesinen bólek, turǵyndar táýliktiń kez kelgen ýaqytynda tótenshe jaǵdaılardyń ortalyq dıspetcherine 54-58-19 jáne 38-57-09 telefondary boıynsha qońyraý shala alady. Sondaı-aq, qalalyqtar: Almaty aýdany boıynsha - 48-43-37, 77-99-73, Esil aýdany boıynsha- 48-43-26, 77-99-71 jáne Saryarqa aýdany boıynsha - 48-43-92, 77-99-74 nómirlerinen kómek ala alady. Sonymen qatar, telefon baılanystarymen birge táýlik boıy kúzet uıymdastyrylǵanyn, tótenshe jaǵdaılarda habarlandyrý syzbasy ázirlengenin de atap aıtý qajet.