Astanada sý tapshylyǵy joq – Jeńis Qasymbek

<p>Astanada aldaǵy birneshe jylda sý tapshylyǵy bolmaıdy. Bul týraly elorda ákimi Jeńis Qasymbek aıtyp berdi, dep habarlaıdy <a href="https://kaz.inform.kz/?_gl=1*1cookbu*_ga*MTMxOTQ2NjU5MC4xNjk4Mzc1OTcw*_ga_Y44SMVECD5*MTY5ODM3NTk2OS4xLjAuMTY5ODM3NTk2OS42MC4wLjA.&amp;pk_vid=1dac2fba2c02ff6916983759715aaacc" target="_blank" rel="noopener">Kazinform.</a></p>

«Maýsym aıynda sý tapshylyǵy máselesi bolǵanyn bilesizder. Jyl saıyn qala ósip keledi, halyq sany orta eseppen 50-60 myńǵa artýda. Sońǵy úsh jylda halyq sany 200 myńǵa ósti. Tıisinshe, kommýnaldyq qyzmetterdi tutyný kólemi de artady. Paıdalanýǵa beriletin baspana men sý tutyný kólemi artyp keledi. Maýsym aıynda bizde bul másele kúrt kóterilgen sátte táýligine 20-25 myń tekshe metr sý tapshylyǵy boldy. 10 maýsymnan keıin Astana sý qoımasynan qosymsha jańa sý qubyry jelisin iske qostyq. 90 myń tekshe metr kóleminde qosymsha sý berilip, qýaty 105 myń tekshe metr bolatyn úshinshi sorǵy súzgi stantsııasynyń qurylysy aıaqtaldy», - dep túsindirdi ákim Ortalyq kommýnıkatsııalar qyzmetinde.

Astana ákimi resmı túrde Astanada sý tapshylyǵy joq ekenin málimdedi.

Ákimniń aıtýynsha, aldaǵy birneshe jylǵa beriktik negizi jasalǵan.

«Oǵan qosa, biz Astana sý qoımasynan ekinshi qosymsha sý qubyrynyń qurylysyn aıaqtaımyz, Nura sý kózine qubyr qurylysyn, sondaı-aq «Telman» sorǵy stantsııasynyń keńeıýin jobalaýdy bastaımyz. Bul bizge 2030 jylǵa deıin taza aýyz sý alý múmkindigin beredi», - dedi Jeńis Qasymbek.

Buǵan deıin Jeńis Qasymbek qar kúreýden únemdelgen qarajat qaıda jumsalatynyn aıtqan edi.