Astanada sý qoımasynyń jaǵalaýynda senbilik ótti

ASTANA. QazAqparat – Astana qalasy Qazaqstan halqy Assambleıasy men úkimettik emes uıymdar birlesip, sý qoımasynyń jaǵalaýynda tazalyq senbiligin ótkizdi, dep habarlaıdy QazAqparat elorda ákimdiginiń resmı saıtyna silteme jasap.

Іs-sharaǵa «Lider», «Asar-Saryarqa» jáne «Jaqsylyq arıfmetıkasy» qoǵamdyq birlestikteriniń músheleri belsene atsalysty. Eriktiler qoldaryna kúrek-tyrmalary men qaptaryn alyp, sý qoımasynyń jaǵalaýyn boılaı júrip, aıaq astynda jatqan ártúrli qoqystardy jınastyrdy.

«Ózara aqyldasyp, keńese kele ekologııalyq aýmaqtardyń ishinen osy jerdi tańdadyq. Ózimiz sý iship otyrǵan sý qoımasynyń aınalasy aınadaı taza bolǵanyn qalaımyz», - dedi «Jaqsylyq arıfmetıkasy» qoǵamdyq birlestiginiń jetekshisi Uljan Myrzageldıeva.

Aıtýynsha, olar mundaı senbilikterge kóktem maýsymynan bastap atsalysyp keledi.

«Asar-Saryarqa» qoǵamdyq birlestiginiń múshesi Gýzel Berdesh te jylyna bir ret bolsa da tazalyq aktsııalaryna qatysyp turatyndyqtaryn aıtty.

Al, sý qoımasynyń mańynyń aınalasy aıtarlyqtaı taza bolýyna jergilikti turǵyndar da úles qosyp keledi. Olar demalýǵa kelgenderdiń keıbiri otyrǵan ornyn tazalamaı ketip jatatynyna renishin bildirdi.

Senbilikke qatysýshylar sý qoımasynyń mańynda 2-3 saǵat tazalyq jumysyn júrgizip, birneshe qap qoqys jınap, aınalany muntazdaı etti.