Astanada stýdentter qataryna qabyldaý keshinde Qazaqstannyń eń úlken týy ashyldy

<p>Astanada Maqsut Narikbayev University-de birinshi kýrs bilimgerlerin stýdentter qataryna qabyldaý keshi ótti, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Jaqsylyq Úshkempirov atyndaǵy «Jekpe-jek» saraıynda ótken sharaǵa Ashat Aımaǵambetov, Aıdarbek Hodjanazarov, Láılá Sultanqyzy, Elnur Beısembaev jáne taǵy da basqa elge tanymal tulǵalar qonaq bolyp qatysty.

Foto: Maqsut Narikbayev University

Bul rásim 1994 jyldan beri úzdiksiz ótkizilip keledi, atalǵan shara ýnıversıtetke jańa stýdentterdi qabyldaýdyń mańyzdylyǵyn kórsetedi. Bıylǵy saltanatty shara ýnıversıtettiń keler jyly toılanatyn 30 jyldyǵyna oraılastyryp, «30 jyl - bul tek bastama» degen ataýmen ótkizildi.

Sondaı-aq kesh baǵdarlamasy aıasynda – Qazaqstannyń eń úlken týynyń ashylý rásimi ótti. Jibekten toqylǵan týdyń aýdany 80 sharshy metrdi qurasa, salmaǵy 60 kelige jýyq boldy. Atalǵan sharanyń hedlaınderi retinde estrada juldyzdary - Qaırat Nurtas pen Dastan Orazbekov kórermender aldynda óner kórsetti. Bul aýqymdy sharaǵa bes myńnan astam adam qatysty.

Foto: Maqsut Narikbayev University

Foto: Maqsut Narikbayev University

Shara barysynda ýnıversıtettiń joǵary mektepteri áleýmettik joba men teatrlyq qoıylym boıynsha ózara saıysqa tústi. Ádil qazylar alqasynyń quramynda Araı Álimhan, Ásel Aqpar, Amre, Dına Tájenova, Dına Sansyzbaeva syndy tanymal tulǵalar boldy. Jeńgen komanda urpaqtan urpaqqa tabystalyp kele jatqan kýbokty ıelendi.

Foto: Maqsut Narikbayev University

Aıta ketý kerek, stýdentter bul is-sharaǵa úsh aı boıy daıyndalǵan bolatyn.