Astanada stıhııalyq oryndardan 45 myń tonnaǵa jýyq qoqys shyǵaryldy

ASTANA. QazAqparat - Elordanyń bes aýdanynda jyl basynan beri qalanyń kommýnaldyq qyzmetiniń kúshimen 45 myń tonnaǵa jýyq qoqys shyǵaryldy. Jumys júıeli túrde júrip jatyr, dep habarlaıdy QazAqparat Astana ákimdiginiń resmı saıtyna silteme jasap.

Kún saıyn ruqsat etilmegen polıgondardy joıý jumysyna 100-den astam arnaıy tehnıka jumyldyryldy. Jyl basynan beri qalada 70-ten astam ruqsat etilmegen polıgon anyqtaldy. Olardyń barlyǵy derlik joıyldy.

Sáýir aıynyń basynan bastap búginge deıin Almaty aýdanynan 6 800 tonnadan astam (963 reıs) qoqys shyǵaryldy.

Sondaı-aq ruqsat etilmegen qoqys oryndary boıynsha «Qazaqstan Ǵarysh Sapary» ǵaryshtyq sýretteri usynyldy – 9 ýchaske boıynsha (39 núkte). Qazirgi ýaqytta 32 núkte joıyldy.

Nura aýdanynda ruqsat etilmegen polıgondardyń 21 orny anyqtaldy. Jańa apparat qurýdy jáne zań normalaryna sáıkes konkýrstyq rásimder ótkizýdi eskere otyryp, sáýirden shildege deıin 8 oryn joıyldy. Osy oryndardan shamamen 4 350 tonna qurylys qoqysy shyǵaryldy.

Mundaı stıhııalyq polıgondardy boldyrmaý úshin aýdan ákimdigi polıgondarǵa jaqyn aýmaqtarda beınebaqylaý kameralaryn ornatady.

Osy ýaqyt ishinde Baıqońyr aýdanynan 1500 tonnadan astam qoqys shyǵaryldy.

Aýdan aýmaǵynda 3 zańsyz oryn joıyldy, ekeýi boıynsha jumys júrip jatyr.

Ekologııalyq aılyqty jáne kommýnaldyq senbilikterdi eskere otyryp, Esil aýdanynan 17 500 tonnadan astam qoqys shyǵaryldy.

«Nurly jol» vokzalyna qaraı Uly Dala dańǵylyndaǵy qoqystardy joıý jumysy júrgizilýde – 80%, «Jetisý» TK aýdanynda – 30%, «Zarechnyı» TK aýdanynda «Baqyt Premıým» TK aýdanynda – 100%, Prıgorodnyı eldi mekeninde – 100% pysyqtaldy, Qabanbaı batyr dańǵyly áýejaıǵa qaraı – 100% pysyqtaldy, «Talısman» TK aýdanynda – 100% pysyqtaldy.

Osy jyldyń basynan bastap Saryarqa aýdanynda 17 ruqsat etilmegen polıgon anyqtaldy. Onyń ishinde myna mekenjaılar boıynsha stıhııalyq oryndar joıyldy: Beıbarys Sultan kóshesi, 11, Beıbarys Sultan kóshesi, 8, S-308, S-309, «Kóktal» saıabaǵynyń artynda, «Polıana» saıajaı qoǵamy, Jeldirme kóshesi (Tilendıev, Gefest zıratynyń janynda), Kendal kóshesi, 13, Qosshyǵululy kóshesi, 3/1, «Polıanka» saıajaı alaby, Aqmaıa/Alqatere tuıyq kóshesi, Dáýletkereı kóshesi, 1 (UrbanCollege aýmaǵynyń aınalasynda), Aqqorǵan kóshesi (qarttar úıiniń aınalasynda), Konstıtýtsııa kóshesi, Bolashaq kóshesi «Balalarǵa arnalǵan túzetý mektebi». Sondaı-aq jumys S-307 kóshesinde júrgizilip jatyr.

Kún saıyn ekologııalyq polıtsııamen birlesip monıtorıng júrgiziledi.

Sonymen qatar, bul máselede turǵyndar, áleýmettik jelilerdegi suranystar men «Ǵarysh Sapary» sýretteri septigin tıgizedi. Zań buzýshylar arnaıy ornatylǵan beınebaqylaý kameralarynyń kómegimen anyqtalady.