Astanada sońǵy qońyraý qandaı synyptarǵa soǵylady jáne attestat qashan tapsyrylady

ASTANA. QazAqparat – Astana qalasynyń Bilim basqarmasy oqýshylar úshin sońǵy qońyraý qashan soǵylatynyn, mektep túlekterine attestat qaı kúni tapsyrylatynyn málim etti, dep habarlaıdy QazAqparat.

«Bıylǵy oqý jyly kóktemniń sońǵy kúninde aıaqtalady. 31 mamyr –jalpy bilim beretin mektepter bekitilgen keste boıynsha sabaqtar ótkizedi jáne sol kúni synyp saǵaty ótedi. Balalar muǵalimdermen birge oqý jylyn qorytyndylap, jazǵy demalysqa arnalǵan josparyn talqylaıdy.

1 maýsym – Balalardy qorǵaý kúni – 4, 9 jáne 11-inshi synyptar úshin saltanatty is-shara ótip, túlekter úshin sońǵy qońyraý soǵylady», - delingen vedomstvo málimetinde.

Bıyl Astanada 9-synypty 18 443 oqýshy, 11-synypty 9 539 túlek aıaqtaıdy.

«Maýsymnyń alǵashqy onkúndiginde 9-synyp túlekteri qorytyndy emtıhan tapsyrady, al 11-synyp bitirýshiler úshin memlekettik emtıhandar 5-19 maýsym aralyǵyna ótedi.

22 maýsym kúni túlekterge attestat beriledi», - delingen usynylǵan habarlamada.