Astanada «Soltústik Halyq markasy» -«Qazaqstanda jasalǵan» atty ónimder jármeńkesi ótýde

ASTANA. QazAqparat Astanada «Soltústik halyq markasy» -«Qazaqstanda jasalǵan» atty ekoónimderdiń kórme-jármeńkesi ótýde. Bul týraly «Halyq markasy» jobasynyń uıymdastyrýshylary habarlady.

Kórmeniń maqsaty tutynýshylardyń otandyq ónimge degen senim deńgeıin 70 paıyzǵa deıin arttyrý, qazaqstandyq taýar óndirýshilerdiń ónimine tutyný suranysyn yntalandyrý bolyp tabylady.
Sonymen qatar, kórme aıasynda Soltústik Qazaqstan oblysy ónim óndirýshileriniń ekologııalyq ónimderin keńinen tanystyrý kózdelýde. Atap aıtqanda, halyqqa ınnovatsııalyq joldarmen óndirilgen ósimdik maılary, jańa býynnyń emdik qyshqyl-sútti ónimderi, dárýmendermen baıytylǵan sút ónimderi, bal túrleri, balyqtar, syr, kondıterlik eksklıýzıvtik ónimder usynylyp otyr.
Bul rette elordalyqtar úshin ónim óndirýshiler taýarlaryn eshqandaı deldalsyz tikeleı usyný múmkindigine ıe bolyp otyr.
Kórme 28-30 mamyr aralyǵynda saǵat 10:00-de Astana qalasyndaǵy Qoshqarbaev kóshesindegi «Halyq markasy» sýpermarketinde, «Artem» bazarynda, «Bıg Shanhaı» bazaryndaǵy «Halyq markasy» býtıginde ótedi.