Astanada sol jaǵalaýdaǵy birqatar kósheleniń turǵyndary sýsyz qaldy
10:49, 23 Shilde 2017
ASTANA. QazAqparat - Astanada sol jaǵalaýdaǵy birqatar kóshelerdiń turǵyndary sý qubyryndaǵy apat saldarynan aýyz sýsyz qaldy. Bul týraly «Esil» aýdany ákimdiginiń Feısbýktegi paraqshasynda habarlandy.
«Qurmetti «Esil» aýdanynyń turǵyndary! Búgin, 23 shildede saǵat 06:35-te Syǵanaq pen Saýran kósheleriniń qıylysynda sý qubyry jaryldy. Qazirgi ýaqytta «Astana Sý Arnasy» MQK jarylǵan jerden sý aǵynyn toqtatý, sý aıdaý jumystaryn júrgizip jatyr. Sodan keıin qansha turǵyn úıge aýyzsý berý shekteletini belgili bolady. Aqaýdy joıǵansha sýdy kólikpen tasý uıymdastyrylady», - delingen habarlamada.