Astanada «Smart Astana - 2012» konferentsııasy ótti
Konferentsııa jumysyna Astana qalasynyń ákimi Imanǵalı Tasmaǵambetov, QR Premer-Mınıstriniń orynbasary - QR Indýstrııa jáne jańa tehnologııalar mınıstri Áset Isekeshev, QR Prezıdenti Ákimshiligi Basshysynyń orynbasary Baqyt Sultanov, sondaı-aq ınnovatsııalyq qaýymdastyq ókilderi, ІT, energetıka, bilim, medıtsına salasyndaǵy qazaqstandyq jáne sheteldik sarapshylar, jabdyq óndirýshiler men basqa da sala ókilderi qatysty.
Ortalyq Smart Astana jobasyn júzege asyrý jáne ony qoldaný Astana aglomeratsııasyn damytýda Smart Qala (aqyldy qala) sheshimin, sondaı-aq osy saladaǵy basqa da bolashaqtaǵy jobalardy iske asyrý maqsatynda qurylǵaly otyr. Taraptar Shyǵys Eýropa men TMD elderinde kósh bastap turǵan joba Ortalyqty ilgeriletý jáne damytý týraly nıetterin bildirdi. ASCSC jobasyn EHRO - 2017 halyqaralyq kórmesiniń aýmaǵynda ornalastyrý kózdelip otyr.
«Smart Astana - 2012» konferentsııasynyń uıymdastyrýshysy Astana qalasy ákimdiginiń «Astana Innovations» AQ. Sektsııanyń negizgi taqyryptary - «Qaýipsizdik», «Bultty tehnologııasy» jáne «Jasyl tehnologııa».
Konferentsııa aıasynda sondaı-aq 2011-2012 jyldary iske qosylǵan «Smart Astana» jobalar kórmesi ashyldy. Olardyń qatarynda «E-jedel-járdem», «E-mektep», «Kúıshi Dına 37-degi aqyldy úı», «Smart-lıft», «Avtomattandyrylǵan farmatsevt» jáne t.b. jobalar bar. Konferentsııa aıasynda jobalardy júzege asyrý ýaqytynda qol jetkizilgen nátıjeler tanystyrylyp, «Smart Astana balalary», «Úzdik ınnovatsııalyq memlekettik mekeme/baǵynyshty kásiporyn» baıqaýynyń jeńimpazdary marapattaldy.
Sondaı-aq, jıynda Astananyń turǵyndary men qonaqtaryna kórsetiletin qyzmetterdiń sapasyn kóterý, qalanyń básekege qabilettiligin, áleýmettik ınfraqurylymyn damytý jáne ınnovatsııalardy engizý sekildi ózekti máseleler talqylanady.