Astanada Sırııadaǵy soǵys qımyldarynyń doǵarylýyn qadaǵalaý jedel tobyn qurý týraly qujat qabyldanýy múmkin
«Bizde ótetin kezdesý aqpan aıynda Jenevada ótetin kelissózderge daıyndyq sanalady. Biz Astanada tek tuǵyrnama usynyp otyrmyz. Ózderińizge málim, kezinde Reseı prezıdenti Pýtın men Túrkııa prezıdenti Erdoǵan Elbasymyzǵa usynys jasady. Elbasy olardyń usynystaryn qoldady jáne 23-24 qańtar kúnderinde bizde Sırııadaǵy jaǵdaıda retteý jónindegi kezdesý uıymdastyryldy. Odan keıin jýyrda ózderińizge belgili tehnıkalyq kezdesý ótti. Al erteń ótetin kezdesý odan da joǵary deńgeıde bolmaq», - dedi ol.
Sonymen qatar mınıstr óziniń baspasóz qyzmetine kezdesý jaıynda tolyq aqparatty BAQ ókilderine berý týraly tapsyrma beretindigin, al kezdesýdiń Rıksos qonaq úıinde ótetindigin aıtty.
«Jalpy, kepilger elderdiń aqparattaryna sáıkes, olar soǵys qımyldarynyń doǵarylýyn qadaǵalaý jónindegi jedel top qurý týraly qujat qabyldamaq. Muny kútip, kepilger elderge nazar aýdarǵan jón», - dedi Ábdirahmanov.