Astanada ShYU memleketteri qorǵanys mınıstrleriniń otyrysy ótti
Іs-sharaǵa Qazaqstan, Qytaı, Qyrǵyzstan, Reseı, Tájikstan men Ózbekstan qorǵanys vedomstvolarynyń basshylary, ShYU Bas hatshysy jáne ShYU óńirlik lańkestikke qarsy qurylymy atqarýshy komıtetiniń dırektory qatysty. Keńes barysynda halyqaralyq jáne óńirlik qaýipsizdiktiń ózekti máseleleri jóninde konstrýktıvti pikir almasý ótti.
ShYU múshe memleketteri úshin zamanaýı qaýip-qater kezindegi basymdyq mindet óńirdegi beıbitshilikti, qaýipsizdik pen turaqtylyqty ustap turý jáne nyǵaıtý bolyp tabylatynyn aıta ketken jón. Otyrysqa qatysýshylar ótken jylǵy yntymaqtastyqqa taldaý jasap, qorytyndysyn shyǵardy. Odan basqa, ShYU elderiniń qorǵanys vedomstvolary arasynda ózara is-qımyldy ári qaraıǵy damytý perspektıvalaryn qarastyrdy. Onyń qorytyndysy boıynsha 2018 - 2019 jyldarǵa arnalǵan ShYU múshe memleketteri qorǵanys mınıstrlikteriniń yntymaqtastyq jospary bekitilip, tarıhı jáne mádenı murany zerdeleý jáne saqtaý aıasynda áskerı vedomstvolar arasyndaǵy nıet týraly hattamaǵa qol qoıyldy.
Shanhaı yntymaqtastyq uıymyna múshe memleketteri qorǵanys mınıstrleriniń kelesi otyrysy 2018 jyly Qytaı Halyq Respýblıkasynda ótkiziledi dep josparlanýda.