Astanada ShYU-ǵa múshe memleketter syrtqy ister mınıstrleri keńesiniń otyrysy bastaldy
Alǵy sózdi Qazaqstan Respýblıkasynyń Premer-Mınıstriniń orynbasary - Syrtqy ister mınıstri Murat Nurtileý alyp, sheteldik meımandardy qarsy aldy.
Keńes otyrysyna qatysýshylar Iran Prezıdenti Aıatolla Seıed Ibrahım Raısıdi eske alyp, 1 mınýt únsizdik jarııalady.
«Ókinishke qaraı, Syrtqy ister mınıstrleri keńesiniń otyrysyn qaıǵyly habardan bastaýǵa májbúr bolyp otyrmyz. Biz bárimiz Iran Prezıdenti Aıatolla Seıed Ibrahım Raısı men mártebeli Ravesı myrzanyń jáne bizdiń qurmetti áriptesimiz, meıirimdi dosymyz Abdolahıan myrzanyń qaıtys bolǵany týraly habar qabyrǵamyzdy qaıystyrdy. Olar sońǵy sátke deıin óz Otanyna adal qyzmet etken kórnekti tulǵalar, olar eliniń múddesin qorǵap, ómirlerin Iran halqynyń ál-aýqatyn qamtamasyz etýge, óz eliniń damýyna jáne halyqaralyq turaqtylyq pen qaýipsizdikti qamtamasyz etýge arnady. Men óz atymnan jáne búkil keńestiń atynan qaıǵyryp kóńil aıtamyn», - dedi Murat Nurtileý otyrysty asha otyryp.
Odan ári otyrysqa qatysýshylar bir mınýt únsizdik jarııalap, Iran Prezıdentin eske aldy.
«Óz atymnan Pákistan men Belarýs Syrtqy ister mınıstrlerin bizdiń keńesterimizdiń jumysyna alǵash ret qatysyp otyrǵandyqtan yqylaspen qarsy alamyn. Búgingi otyrys 3-4 shildede Astanada ótetin Shanhaı Yntymaqtastyq Uıymynyń 24 sammıtine daıyndyqtyń negizgi jáne sońǵy kezeńi», - deıdi ol.