Astanada sheteldik eńbek mıgranttaryna bólinetin kvota azaıady

<p>ASTANA. KAZINFORM &ndash; Sońǵy 5 jylda Astanaǵa keletin sheteldik eńbek mıgranttary sanyn azaıtyp jatyr. Onyń sebebin Eńbek jáne halyqty áleýmettik qorǵaý mınıstrligi kóshi-qon komıtetiniń tóraǵasy Asqarbek Ertaev aıtty. &nbsp;</p>

«Astanaǵa shetel jumysshylary kvota aıasynda keledi. Ony jergilikti atqarýshy organ ornatvp, retteıdi. Kóshi-qon aǵyny baqylaýda. Astanaǵa kelgen barlyq eńbek mıgranttary kvota boıynsha retteledi. Sońǵy 5 jylda biz Astanaǵa keletin sheteldik mıgranttar sanyn azaıtyp jatyrmyz. Bul ishki jumys kúshin qorǵap, qoldaý úshin jasalady. Elordaǵa kóshi-qon boıynsha qandaı da bir shekteýler engizýdi qajet dep sanamaımyn. Óz azamattarymyzda emin-erkin kóship, elordaǵa kelip, eńbek ete alady, - dedi Asqarbek Ertaev Ortalyq kommýnıkatsııalar qyzmeti alańynda ótken baspasóz máslıhatynda.

Onyń aıtýynsha, Astanaǵa kelgen shetel azamattarynyń deni qurylys salasynda jumys isteıdi. Elimiz boıynsha qurylys salasynda 10359 vakansııa, al elordada 73 bos jumys orny bar.

Aıta ketsek, keshe qalalyq máslıhat otyrysynda Astanaǵa kireberis beketterde blokposttar ornatý máselesi qarastyrylyp jatqany aıtylǵan edi. 

«Qalaǵa kireberis jerlerde blokposttar qoıý máselesi qaralyp jatyr. Bul másele Іshki ister mınıstriniń aldynda aıtyldy, vedomstvo basshysy kelisedi dep oılaımyn», - dedi Astana qalalyq polıtsııa departamenti kóshi-qon basqarmasynyń bastyǵy Erbol Mahmetov saýalǵa.