Astanada shekarashylarǵa arnalǵan mýral ashyldy

<p>ASTANA. KAZINFORM &ndash; Elordanyń Saryarqa aýdanynda Shekarashylar kúnine oraı S.Seıfýllın kóshesinde saltanatty túrde mýral ashyldy, dep habarlaıdy Astana ákimdiginiń resmı saıty.</p>

Mýraldyń bıiktigi 18 metrdi quraıdy, onda shekara qyzmetiniń belgileri kórinis tapqan. Onyń kompozıtsııasynda el shetindegi qaýipsizdikti qamtamasyz etetin shekarashylardyń mańyzdylyǵyn bildiretin áýe jáne teńiz kemeleri úılesimdi beınelengen.

Ashylý saltanatyna Qazaqstan Respýblıkasy Shekara qyzmetiniń ardagerleri men basshylyǵy, sondaı-aq Saryarqa aýdany ákimdiginiń ókilderi qatysty.

Jıynda «Astana» shekaralyq baqylaý basqarmasynyń bastyǵy polkovnık Maqsat Ahmetqalıev quttyqtaý sóz sóıledi.

«Qazirgi shekarashylar zamanaýı qarý-jaraqpen, tehnologııamen qarýlanǵan, biraq olardyń jumysynda eń bastysy – patrıotızm men batyldyq. Biz bul qıyn mamandyqty tańdap, osy jolda Otanymyzǵa, onyń memlekettik shekaralaryn qorǵaýda abyroımen qyzmet etýimiz kerek. Mereke qutty bolsyn, shekarashylar men Shekara qyzmetiniń ardagerleri!» - dedi polkovnık Maqsat Ahmetqalıev.