Astanada Shámshi Qaldaıaqovtyń 85 jyldyq mereıtoıyna oraı halyqaralyq án festıvali ótedi
Festıval án ónerin damytý, qazaq valsiniń patshasy Shámshi Qaldaıaqov ánderin halyq arasynda oryndaıtyn daryndy jastarǵa qoldaý kórsetý jáne qazaqstandyq estrada sheberleriniń ónerin halyqqa usyný maqsatymen ótkiziledi, dep habarlaıdy QR mádenıet jáne sport mınıstrliginiń baspasóz qyzmetinen.
Atalmysh festıval 2 kezeńnen turady. Barlyq kezeńder halyq aldynda ótkizilip, festıval qatysýshylary Shámshi Qaldaıaqovtyń repertýarynan 4 án oryndaıdy. Festıvaldiń bas júldesine 1 000 000 teńge kóleminde aqshalaı syılyq qarastyrylǵan.
Sharaǵa Qazaqstan sahnasynyń sheberleri QR halyq ártisi Nurǵalı Núsipjanov, QR eńbek sińirgen ártisteri Maıra Іlııasova, Maıra Muhamedqyzy, QR eńbek sińirgen qaıratkerleri Hadısha Shalabaeva, Azamat Jyltyrkózov, halyqaralyq konkýrstardyń laýreattary Marjan Arapbaeva, Oralhan Altynbekov, Baýyrjan Isaev, Saltanat Baıjumanova, Almas Kishkenbaev jáne Shámshi Qaldaıaqov atyndaǵy «Meniń Qazaqstanym-2014» atty halyqaralyq án festıvaliniń bas júldegeri Qanatbek Aıbek qatysady.
Festıval baǵdarlamasy
2015 jylǵy 25 qazan
Qazaq Ulttyq óner ýnıversıtetiniń «Shabyt» kontsert zaly
11:00 - Festıvaldiń ashylý saltanaty
14:00-20:00 - Festıvaldiń I kezeńi
2015 jylǵy 26 qazan
Qazaq Ulttyq óner ýnıversıtetiniń «Shabyt» kontsert zaly
10:00-20:00 - Festıvaldiń II kezeńi
2015 jylǵy 27 qazan
«Beıbitshilik jáne kelisim saraıy»
19:00 - Laýreattardyń marapattaý rásimi jáne Gala-kontsert