Astanada shahmattan komandalyq álem chempıonaty bastalady

<p>ASTANA. KAZINFORM &ndash; Dál qazir Astanada rapıd jáne blıts boıynsha (FIDE World Rapid and Blitz Team Championships 2024) shahmattan álem chempıonatynyń saltanatty ashylýy ótedi. Júldege álemniń túkpir-túkpirinen kelgen 39 komanda talasatynyn atap ótken jón.</p>

Jarystyń júlde qory – 350 myń eýro. Astanaǵa álemniń eń úzdik shahmatshysy Magnýs Karlsenniń kelýi jarystyń mártebesin arttyra túskeni anyq.

Qazaqstan shahmat federatsııasynyń atqarýshy dırektory Gúlmıra Dáýletovanyń aıtýynsha, 39 komandanyń 20-y — qazaqstandyqtar. Osylaısha, jergilikti shahmatshylardyń tájirıbe jınaqtaýyna múmkindik berilip otyr. 

Foto: Vıktor Fedıýnın/Kazinform

«Komandalyq álem chempıonaty jyl saıyn uıymdastyrylady. Qazaqstanda tuńǵysh ret ótkeli otyr. Birinshilikke tek komandalar qatysatyndyqtan, quramy ár eldiń sportshylarynan jasaqtalýy múmkin. Bir komandada 6 negizgi oıynshy, qosalqy quramda 3 shahmatshy tirkelgen»,- dedi ol.

Aıta keteıik, el namysyn qorǵaıtyn ujymdardyń ishinde Kazshess komandasynyń bási bıik. Olar reıtıngte 4 orynda tur. ıAǵnı, júldege talasýǵa múmkindigi zor. Sebebi, komanda sapynda blıts boıynsha eki dúrkin álem chempıony Bıbisara Asaýbaeva, Dármen Sádýaqasov sııaqty myqtylar bar.