Astanada shahmattan klýbtyq álem chempıonaty ótedi

<p> ASTANA. KAZINFORM — 1-6 tamyz aralyǵynda Astanada rapıd pen blıtstan klýbtyq álem chempıonaty ótedi. Jarysty FIDE qoldaýymen Qazaqstannyń shahmat federatsııasy uıymdastyrady,  dep habarlaıdy elorda ákimdiginen. </p>

Týrnırge ártúrli elderden 30-dan astam klýb qatysady, qatysýshylar sany — 300-ge jýyq.

Olardyń arasynda qazirgi álem chempıondary Dın Lıjen (Qytaı) jáne Djý Ventszıýn (Qytaı), shahmattan 16-shy álem chempıony Magnýs Karlsen (Norvegııa), burynǵy álem chempıony Aleksandra Kostenıýk (Shveıtsarııa) jáne Hoý Ifan (Qytaı), álemniń vıtse-chempıony ıAn Nepomnıaşıı (Reseı), Ardjýn Erıgası (Úndistan), 2022 jylǵy shahmat olımpıadasynyń jeńimpazy Nodırbek Abdýsattorov (Ózbekstan) jáne álemniń ózge de kóptegen shahmatshylary bar.

Álem chempıonaty Astananyń Kongress-ortalyǵynda ótedi.

Básekeden dúnıe júzindegi eń iri aqparat agenttikteri habar taratady jáne olardy álemniń 200-den astam elinen kelgen shahmat áýesqoılary baqylaıdy.

FIDE World Team Rapid and Blitz Championships ashylý saltanaty 1 tamyzda Astana amfıteatrynda ótedi. 

Ol 45-shi shahmat olımpıadasynyń alaýyn jaǵý rásimimen biriktiriledi.

Chempıonat eki jarystan turady — rapıd jáne blıts.

Týrnırdiń jalpy júlde qory — 350 000 eýro.

Onyń 250 000 eýrosy — rapıdke, al 100 000 eýrosy — blıtske ketedi.