Astanada saılaý protsesi týraly BAQ ókilderine arnalǵan kýrs ótip jatyr
Buqaralyq aqparat quraldary ókilderine arnalǵan oqytý kýrsy «Qazaqstan Respýblıkasyndaǵy saılaý protsesi: teorııa jáne praktıka» degen ataýmen ótip jatyr.
Uıymdastyrýshy – QR Ortalyq saılaý komıssııasy. Atalǵan sharaǵa respýblıkalyq jáne óńirlik BAQ-tyń mamandary qatysyp jatyr.
Tilshiler qaýymyn oqytýdaǵy maqsat – BAQ-tyń saılaý naýqanyndaǵy róli men mańyzyn jáne synı túsiný qabiletin qalyptastyrý. BAQ ókilderiniń bilim deńgeıi men olardyń saılaý úderisin aqparattyq qamtamasyz etý máseleleri boıynsha biliktiligin arttyrý.
«Ortalyq saılaý komıssııasy 20 qarashada ótetin QR Prezıdenti saılaýy qarsańynda 11 semınar ótkizýdi josparlap otyr. Túrli sala mamandary men ókilderin saılaýdy uıymdastyrý jáne ótkizý protsesimen tolyǵyraq tanystyratyn bolamyz. Búgin, mine BAQ ókilderine arnalǵan eki kúndik semınar bastaldy. Odan bólek, osyndaı semınar quqyq qorǵaý organdary jáne prokýratýra qyzmetkerleri, úkimettik emes uıym ókilderi jáne Call ortalyq qyzmetkerleri úshin de ótkiziledi. Oqytý onlaın jáne oflaın formatta», - dedi Ortalyq saılaý komıssııasynyń múshesi Sabıla Mustafına.
Oqytýdyń birinshi kúni QR Prezıdentiniń janyndaǵy memlekettik basqarý akademııasynyń rektory Erlan Ábil, ortalyq saılaý komıssııasy tóraǵasynyń orynbasary Konstantın Petrov, ortalyq saılaý komıssııasynyń músheleri Sabıla Mustafına, Anastasııa Şegortsova tyńdaýshylar aldynda dáris oqydy.
BAQ ókilderine arnalǵan semınarǵa elimizdiń barlyq óńirinen 70-ke jýyq adam qatysyp jatyr. Kýrs sońynda olarǵa saılaý týraly bilimin jetildirgenin rastaıtyn sertıfıkat beriledi.
Aıta ketsek, atalǵan shara QR Prezıdentiniń janyndaǵy memlekettik basqarý akademııasynda ótip jatyr.