Astanada «Satyp alý quqyǵymen jalǵa beriletin turǵyn úı» baǵdarlamasy boıynsha konkýrsqa kimder qatysa alady

<p>ASTANA. KAZINFORM &ndash; Astana qalasynyń Turǵyn úı ortalyǵy &laquo;Qazaqstandyq turǵyn úı kompanııasy&raquo; AQ jelisi boıynsha &laquo;Satyp alý quqyǵymen jalǵa beriletin turǵyn úı&raquo; baǵdarlamasy boıynsha konkýrsqa qatysýǵa ótinimderdi qabyldaýdy bastaıdy, dep jazdy elorda ákimdiginiń resmı saıty Astana qalasy Turǵyn úı jáne turǵyn úı ınspektsııasy basqarmasyna silteme jasap.</p>

Ótinimderdi qabyldaý birge.astana.kz portaly arqyly elektrondyq túrde júzege asyrylady.

Ótinimderdi qabyldaý ýaqyty: 2024 jyly 28 tamyz kúni saǵat 09:00-den bastap, 2024 jyly 3 qyrkúıek kúni saǵat 23:59 (qosa alǵanda) deıin.

Bul baǵdarlamaǵa «Memlekettik qyzmetshiler, bıýdjettik uıymdardyń qyzmetkerleri, áskerı qyzmetshiler, ǵaryshkerlikke kandıdattar, ǵaryshkerler, arnaýly memlekettik organdardyń qyzmetkerleri jáne memlekettik saılanbaly laýazymdardy atqaratyn adamdar» sanaty boıynsha Astana qalasynda turǵyn úıge kezekte turǵan azamattar ǵana qatysa alady.

Baǵdarlama boıynsha tolyqtaı aqparatty Astana qalasy Turǵyn úı jáne turǵyn úı ınspektsııasy basqarmasynyń resmı saıtynan https://www.gov.kz/memleket/entities/astana-uzh/press/news/details/831468?lang=kk silteme arqyly bilýge bolady.