Astanada Saryarqa jáne Uly Dala dańǵyldary jabylady
12:21, 20 Maýsym 2024
<p>ASTANA. KAZINFORM — Astana qalasynyń kólik jáne jol-kólik ınfraqurylymyn damytý basqarmasy Uly Dala dańǵylynyń Máńgilik El dańǵylynan Álıhan Bókeıhan kóshesine deıingi ýchaskesinde ortasha jóndeý júrgiziletinin habarlady. Sonymen qatar Saryarqa dańǵylynyń Tulpar kópirinen Bógenbaı batyr dańǵylyna deıingi bóliginde de jóndeý júredi. </p>
Osyǵan baılanysty Uly Dala dańǵylynyń atalǵan bóligi 20-23 maýsym aralyǵynda ishinara jabylady. Bul rette qozǵalys taraptardyń biri boıynsha, eki baǵytta da qamtamasyz etiledi.
Al Saryarqa dańǵylynyń osy ýchaskesinde 20-30 maýsym aralyǵynda kólik qozǵalysyna tyıym salynady. Qozǵalys taraptardyń biri boıymen eki baǵytta da qamtamasyz etilmek.
«Astana turǵyndary men qonaqtarynan qala joldarynda keptelis bolmas úshin óz marshrýtyn aldyn ala josparlaýyn suraımyz. Ýaqytsha qolaısyzdyq úshin keshirim suraımyz jáne jol-qurylys jumysyna túsinistikpen qaraıdy dep úmittenemiz» deıdi ákimdikten.