Astanada salynyp jatqan mektepterdiń kóbi nege Almaty aýdanynda - ákim jaýap berdi

NUR-SULTAN. QazAqparat – Elordada boı kóterip jatqan mektepterdiń kóbi nege Almaty aýdanynda ǵana salynyp jatyr? Nur-Sultan qalasynyń ákimi Altaı Kólginovke ortalyq kommýnıkatsııalar qyzmetinde ótken brıfıngide osyndaı suraq qoıyldy, dep habarlaıdy QazAqparat tilshisi.

«№59 mektep qazir úsh aýysymmen oqyp jatyr. «Pokolenıe» turǵyn úı kesheniniń turǵyndary tarapynan birneshe suraq bolǵan. Birinshisi mektep salýǵa qatysty. №59 mekteptiń janynan qosymsha korpýs salý boıynsha jobalyq smetalyq qujattamany aıaqtap qaldyq Kelesi jyldyń basynda qurylys-montaj jumystaryna konkýrs jarııalaımyz. ıAǵnı, mektep salynady», - degen Altaı Kólginov atalmysh «Pokolenıe» turǵyn úı kesheniniń mańaıynda taǵy bir mektep salý týraly ınvestorlarmen kelisim bar ekenin atady.

«Bul - jeke ınvestordyń jeke menshigindegi aýmaq. Onda da jobalyq-smetalyq qujattama daıyndalyp jatyr. Ony da kelesi jyly salyp bastaımyz. Turǵyndar osy aýdanda oqýshylar saraıyn salýdy suraǵan bolatyn. Taǵy da jeke ınvestor qarajatyna Oqýshylar saraıyn salamyz. Qurylys montaj jumystary bastalyp ketti», - dedi qala ákimi.

Onyń aıtýynsha, qalany josparlaý qaǵaıdattaryna túzetý engizilip otyr.

«Almaty aýdanynda ǵana mektep salynyp jatyr degenge kelsek, mynany aıtar edim. Biz qalanyń bas jospary men detaldi josparyna túzetý engizdik. Qazir jańa qurylys túsetin aýdannyń árqaısysynda mektep, áleýmettik nysandardy, sport nysanyn salýdy talap etemiz. ıAǵnı, «áleýmettik nysandar turǵyndardan aıaq attam jerde bolýy kerek» degen qaǵıda ustanamyz. Baspana kóp salynatyn aýmaqtyń óz mektebi, medıtsınalyq nysany, sport nysany, saýda oryndary, balabaqshasy, qoǵamdyq keńistigi birge qarastyrylýy kerek. «Nur-Sultan – jaıly qala» jobasynyń maqsaty da osy», -dedi Altaı Kólginov.