Astanada salynyp jatqan 34 mekteptiń nesheýi qazaq tilde bilim beredi

<p>ASTANA. KAZINFORM &ndash; Astana qalasynyń bilim basqarmasy Kazinform saýalyna bergen jaýabynda elordada salynyp jatqan 34 mekteptiń bilim berý tili týraly túsinikteme berdi.</p>

«Mektepter paıdalanýǵa berilgennen keıin oqytý tili jáne baǵyty anyqtalatyn bolady. Mektepterdiń qaı tilde bilim beretini mektepti ashý qarsańynda mekteptiń qyzmet kórsetý aýmaǵyndaǵy turǵyndardyń suranysy men mektep ákimshiliginiń jarǵysymen bekitiledi», - dep jazylǵan jaýapta.

Byltyr Astana mektepterinde birinshi synypqa 28 myńnan astam bala qabyldansa, bıylǵy oqý jylyna birinshi synypqa boljammen otyz myńnan astam bala keledi degen boljam bar.

«Ata-analardyń kóbi balalaryn memlekettik tilde berýge suranyp jatady. Ata-analarǵa qolaıly bolý úshin bilim basqarmasy ár mekteptiń qyzmet kórsetý aýmaǵy kórsetilgen aqparatty resmı saıtta jarııalap otyrady. Ata-analar balalaryn turǵylyqty meken-jaıyna jaqyn ornalasqan mektepke apara alady», - delingen resmı málimette.