Astanada «Sahnadan sálem» halyqaralyq teatr festıvali qorytyndylandy

ASTANA. QazAqparat - Keshe Q.Qýanyshbaev atyndaǵy Memlekettik akademııalyq qazaq mýzykalyq drama teatrynda «Sahnadan sálem» halyqaralyq teatr festıvaliniń qorytyndylary shyǵaryldy.

22-28 maýsym kúnderi aralyǵynda Reseı, Grýzııa jáne Qazaqstan ártisteri úzdik komedııalaryn, spektaklderin, pesalary men mýzykalyq qoıylymdaryn kórsetti. Elordanyń turǵyndary men qonaqtary kezekti ret qazaq dramatýrgy Iran Ǵaıyptyń «Estaıdyń Qorlany» spektaklin (qoıýshy rejısser Qýandyq Qasymovtyń jetekshiligimen Bıken Rımova atyndaǵy Taldyqorǵan drama teatrynyń ártisteri), «Sırano de Berjerak» komedııasyn (Máskeý gýbernııalyq teatry, rejısseri Sergeı Bezrýkov) jáne taǵy basqalaryn tamashalaý múmkindigine ıe boldy.

Festıvaldiń sońǵy kúninde S.Muqanov atyndaǵy qazaq mýzykalyq drama teatry kórermenderge «Qara shekpen» spektaklin usyndy. Qoıýshy rejısseri - B.Shámbetov, týyndynyń avtory - G.Hýgaev, dep habarlaıdy astanaday.kz.