Astanada «Sabantoı» merekesi toılanýda (FOTO)

ASTANA. QazAqparat - Búgin elordadaǵy «Jastar» saraıynyń alańynda Astana qalasynyń «Tań» tatar-bashqurt mádenı ortalyǵy» QB-nyń uıymdastyrýymen Sabantoı dástúrli merekesi ótýde.

Qoǵamdyq birlestik bul sharany Qazaqstan Táýelsizdiginiń 25 jyldyǵyna arnap otyr.

Dástúrli mereke kóptegen túrki halyqtarynyń eń mańyzdy oqıǵalar kúntizbesine kiredi. Shara qalamyzda turatyn túrli ult pen din ókilderiniń birigýine jol ashady. Dástúr boıynsha bul merekeni jıyn-terim kóp bolsyn degen yrymmen toılaǵan.

«Bul kóktemgi egin egý naýqanynyń aıaqtalýyna oraı jasalatyn ulan-asyr toı, sondaı-aq qazirgi tańda mańyzy zor merekege aınaldy. ıAǵnı egin egip, kóńilin jaılaǵan aǵaıynnyń kól-kósir qýanyshyn bildiredi. Búgingi tańda bul meıram keńinen toılanyp keledi», - deıdi sharany uıymdastyrýshylar.

Bul mereke erte zamandarda paıda bolǵan. Aýyl adamdary kóshege shyǵyp, tamaqpen bólisip, bı bılep, kúresip, bir-birin is tigýge úıretken. Sabantoıda barlyq elorda turǵyndary men qonaqtary úshin kontserttik baǵdarlama usynyldy.

Kelýshilerge tatar jáne bashqurt halqynyń ulttyq taǵamdary usynylady, baıqaýlar men dástúrli oıyndar, sporttyq jarystar («Kórásh» - beldik kúres, «Arqan tartysh» - arqan tartý) ótkiziledi. Al balalar arnaıy oıyn alańynda uıymdastyrylatyn qyzyqty sharalarǵa qatysady.