Astanada «Sabantoı-2018» merekesi toılandy
Atalǵan mereke Qazaqstan halqy Assambleıasy, Astana qalasynyń ákimdigi, Reseı Federatsııasy Elshiligi, Qazaqstan Respýblıkasyndaǵy Tatarstan Respýblıkasynyń ókiletti ókildiginiń qoldaý kórsetýimen ótkizildi.
Bul mereke bútin túrki halqynyń eń mańyzdy merekesi retinde kúntizbege ejelden engizilgen.
Búginde ol kóktem maýsymy aıaqtalýynyń túpnusqalyq mánin ǵana emes, sonymen qatar, ulttardy ortaq maqsatqa biriktirip, dinder birligin nyǵaıtýǵa úndeıdi.
«Týǵan jerge degen súıispenshiligi zor adamdar úshin «Sabantoı» óte qymbat bolyp sanalady. Ári mamyrajaı osy sátte yntymaǵy jarasqan ónimdi eńbek arqyly elimizdiń, otbasymyzdyń yrysyn arttyryp, jerlesterimizdiń, jaqyndarymyzdyń jáne dostarymyzdyń ystyq yqylasyna bólenetin kez. Bul merekede aqsaqaldardyń danalyǵyna zeıin qoıyp, bolashaqta júzege asyrylatyn ıgi jumystarymyz týraly oı bólisemiz», - dedi «TAŃ» tatar-bashqurt etnomádenı ortalyǵynyń tóraǵasy Rafık Valıev.
Aıta keterligi, «Sabantoı» merekesi jaýhar mádenı mura retinde ıÝNESKO tizimine engizilgen.
Búgingi merekege Qazaqstan Respýblıkasyndaǵy tatar-bashqurt birlestiginiń ókilderi, Astana qalasyndaǵy etnomádenı ortalyqtar, jastar uıymdary men qala qonaqtary qatysty.
Merekelik keshtiń kontserttik baǵdarlamasy boıynsha Tatarstannyń ártisteri óner kórsetip, odan bólek ulttyq «Kórásh» batyrlar saıysy uıymdastyryldy.