Astanada ruqsat qujattary joq turǵyn úı kesheni buzylyp jatyr

<p>Astanada qurylysy ruqsat qujattarynsyz júrgizilip jatqan &laquo;Kóktóbe&raquo; turǵyn úı kesheni buzylyp jatyr. <a href="https://kaz.inform.kz/" target="_blank" rel="noopener">Kazinform</a> bul týraly qala ákimdiginiń <a href="https://www.gov.kz/memleket/entities/astana/press/news/details/652154?lang=kk" target="_blank" rel="noopener">saıtyna</a> silteme jasap habarlaıdy.</p>

Turǵyn úı kesheni Almaty aýdanyndaǵy Sh.Qaldaıaqov pen K.Ázirbaev kósheleriniń qıylysynda salyna bastaǵan. «Global Millennium» JShS qurylys kompanııasy tireýishterin qaǵyp, shuńqyryn qazǵan, sondaı-aq irgetasyn quıyp, 1-qabatyn turǵyzǵan.

Ákimdik málimetine súıensek, qurylys salýshy kelisimshart talaptaryn oryndamaǵan jáne nysannyń qurylysyn óz betinshe bastaǵan. Qurylys normalaryn buzǵany úshin Ákimshilik quqyqbuzýshylyq týraly kodekstiń 316-baby (tıisti jobalaý-smetalyq qujattamanyń bolmaýy), 319-baby (jerge tıisti menshik quqyǵy bolmastan óndiristik, turǵyn úı nysandaryn zańsyz salý), 321-babynyń 1-bóligi (qurylysty tehnıkalyq jáne avtorlyq qadaǵalaýsyz júrgizý), 463-babynyń 1-bóligi (is-qımyldardy ruqsatsyz júzege asyrý) boıynsha uıǵarym bere otyryp, jaýapqa tartylǵan.

Bas merdiger «DBK-Engineering» JShS-ǵa qatysty atalǵan kodekstiń 313-baby 2-bóligi boıynsha hattama (osy baptyń birinshi bóliginde kórsetilgen ǵımarattardyń, qurylystardyń, olardyń bólikteriniń nemese jekelegen konstrýktıvti elementterdiń beriktigi men ornyqtylyǵyn joǵaltýyna ákep soqqan is-áreketter) toltyrylǵan.«Mamandandyrylǵan aýdanaralyq ekonomıkalyq sot Astana qalasynyń Qalalyq orta sapasy jáne baqylaý basqarmasynyń talabyn qoldady jáne qurylys salýshyny turǵyn úı keshenin buzýǵa mindettedi», - delingen ákimdik habarlamasynda.