Astanada Roza Baǵlanova atyndaǵy halyqaralyq vokaldyq baıqaý ótedi

<p>ASTANA. KAZINFORM &ndash;&nbsp;<strong>Roza Baǵlanova atyndaǵy halyqaralyq vokaldyq baıqaýyna qatysýǵa álemniń túkpir-túkpirinen vokalıster shaqyrylady</strong><strong>. Bul týraly </strong><strong>Mádenıet jáne aqparat mınıstrliginiń baspasóz qyzmeti</strong><strong> málim etti.</strong></p>

2024 jylǵy qyrkúıekte Astanada aty ańyzǵa aınalǵan ánshi Roza Baǵlanova atyndaǵy halyqaralyq vokaldyq baıqaý ótedi. Bul aýqymdy mádenı shara uly oryndaýshynyń shyǵarmashylyǵyn nasıhattaýǵa, sondaı-aq ulttyq jáne álemdik mádenıet pen ónerdiń úzdik dástúrlerin jańǵyrtýǵa, damytýǵa baǵyttalǵan. Baıqaý talantty jas vokalısterdi álemge tanytyp, olardy qoldaý úshin mańyzdy alańǵa aınalady.

Baıqaýǵa respýblıkalyq, halyqaralyq jáne televızııalyq vokaldyq konkýrstardyń qatysýshylaryn, sondaı-aq mádenıet jáne óner salasyndaǵy joǵary oqý oryndarynyń stýdentterin qosa alǵanda, 18-35 jas aralyǵyndaǵy estradalyq janrdaǵy vokalıster shaqyrylady.

Ótinimderdi 2024 jylǵy 1 qyrkúıekke deıin qabyldaıdy.

Baıqaýdyń ereksheligi – Roza Baǵlanovanyń repertýaryndaǵy bir ándi mindetti túrde oryndaý. Bul álemniń túkpir-túkpirinen kelgen qatysýshylarǵa qazaqtyń uly ánshisiniń murasymen tanysyp, halyqaralyq sahnada óz sheberligin kórsetýge múmkindik beredi.

Baıqaý QR Mádenıet jáne aqparat mınıstrliginiń qoldaýymen ótkiziledi. Sondaı-aq ár eldiń vokalısterine óz talantyn kórsetip, mádenı murany saqtaý men damytýǵa úles qosýǵa biregeı múmkindik beredi.