Astanada romantıkalyq kesh ótkizýge arnalǵan top 7 oryn
1. «Báıterek» monýmenti
Astananyń eń basty sımvoly sanalatyn «Báıterek», bıik munarasymen jáne ásem qalanyń kórinisimen romantıkalyq keshtiń eń keremet bastaýy bolmaq. Báıterektiń bıiginen qalany tamashalap, keshki jaryqtar astynda birge bolýdyń erekshe sátin sezine alasyz.
Mekenjaıy: Nurjol býlvary, 14
2. Esil ózeniniń jaǵalaýy
Esil ózeni boıymen serýendeý – keshki saıahat úshin tamasha sheshim. Jaǵalaýdaǵy romantıkalyq atmosfera, ásem kópirler jáne alýan túrli sáýlet ǵımarattary erekshe sezim syılaıdy.
Mekenjaıy: Esil jaǵalaýy
3. «Han Shatyr» oıyn-saýyq ortalyǵy
Bul ortalyq Sky Beach Club jasandy jaǵajaıymen jáne tropıkalyq atmosferasymen tanymal. Keshki as nemese kokteıl iship otyryp, qalanyń ásem kórinisin tamashalaýǵa bolady.
Mekenjaıy:Turan dańǵyly, 37
4. Central Park
Ortalyq saıabaqta serýendep, ásem tabıǵat aıasynda romantıkalyq kesh nemese pıknık ótkizýge bolady. Sonymen qatar, saıabaqta ornalasqan túrli meıramhanalarda keshki as ishýge múmkindik bar. Keshke qaraı fontandar atqylap, jarqyraǵan shamdarymen romantıkalyq atmosfera syılaıdy.
Mekenjaıy: Turan dańǵyly men Qorǵaljyn shossesi qıylysy
5. Astana Opera
Eger klassıkalyq mýzyka men operany unatsańyz, Astana Opera teatryna barý – eń durys sheshim. Keremet qoıylymdar men sándi ınterer romantıkalyq atmosferany tolyqtyrady.
Mekenjaıy: Qonaev, 1
6. Wake Park
Sý shańǵy tebýge arnaıy jabdyqtalǵan oryn. Eger siz sý shańǵysy nemese serfıngpen tanys bolsańyz jáne oǵan jaqyn bolsańyz, onda veıkbordıng nemese kabeldi veıkbordıng – sizge jáne jubyńyzǵa ǵajaıyp emotsııalar syılaıtyn taptyrmas sport túri.
Mekenjaıy: Táýelsizdik dańǵyly, 2
7. Atatúrik saıabaǵy
Saıabaqta júrek pishininde jasalǵan joldar men ádemi kópirler bar. Bul jerlerde serýendeýge jáne ádemi fotosessııa jasaýǵa bolady. Ásem de tynysh saıabaq – romantıkalyq kezdesý úshin eń qolaıly mekenniń biri.
Mekenjaıy: Baraev pen Tashenov kósheleri qıylysy
Buǵan deıin, elordada eń romantıkalyq baq paıda bolǵan edi.
Kamıla Múlik