Astanada respýblıkalyq BAQ kórme-festıvali ótedi

ASTANA. 11 jeltoqsan. QazAqparat - 12 jeltoqsanda Astanadaǵy «Qazmedıa ortalyǵynda» respýblıkalyq buqaralyq aqparat quraldarynyń kórme-festıvali ótedi.

Bul týraly «Qazaqstannyń Bas redaktorlar klýby» birlestigi habarlady.

Sharany QR Mádenıet jáne aqparat mınıstrligi, Bas redaktorlar klýby QR Tuńǵysh Prezıdenti kúnine, el Táýelsizdigi kúnine jáne Qazaqstannyń bas redaktorlar klýbynyń 5 jyldyq mereıtoıyna oraı uıymdastyryp otyr.

Kórme-festıval aýqymynda Bas redaktorlar klýbynyń jyl saıynǵy «Qazaqstannyń tańdaýly redaktory», sondaı-aq «Eýrazııanyń altyn qalamushy» syılyqtary tapsyrylady. Sondaı-aq shara barysynda BAQ kórmesi, flesh-mob, semınar-trenıngiler, tanystyrylymdar ótkiziledi.

Oǵan memlekettik organdardyń (mınıstrlikter, vedomstvolar), QR-daǵy sheteldik memleketter elshilikteriniń jáne buqaralaq aqparat quraldarynyń (respýblıkalyq, aımaqtyq jáne sheteldik  BAQ)  ókilderi qatysady.