Astanada Respýblıka kúnine oraı qandaı is-sharalar ótedi

<p>ASTANA. KAZINFORM &ndash; 25 qazan kúni elimizde Ulttyq mereke &ndash; Respýblıka kúni atap ótiledi. Osy aıtýly kúnniń qurmetine Astanada 100-den astam mádenı-buqaralyq, bilim berý, sporttyq jáne áleýmettik is-shara ótkiziledi. Olardyń arasynda merekelik kontsertter, avtosherýler, kórmeler, balalarǵa arnalǵan kórnekti nysandar boıynsha ekskýrsııalar, dóńgelek ústelder, ulttyq sport túrleri boıynsha týrnırler jáne basqa da kóptegen is-sharalar bar, dep habarlaıdy elorda ákimdiginiń resmı saıty.</p>

Іs-sharalar ortalyq alańdarda da, iri nysandarda da, turǵyn alaptarda da, bilim berý uıymdarynda jáne t.b. ótedi, sondaı-aq Respýblıka kúni qarsańynda halyqtyń áleýmettik osal toptaryna 1 myńnan astam azyq-túlik sebetteri taratylatyn bolady.

Mereke aıasynda elordada jáne árbir aýdanda túrli salanyń eńbek sińirgen qyzmetkerleri, eńbek ardagerleri, belsendi azamattary marapattalady.

Bul kúnderi bilim berý uıymdarynda dóńgelek ústelder, pikirtalas týrnırleri, kórmeler, tanymal tulǵalarmen kezdesýler, konferentsııalar, shyǵarmashylyq konkýrstar, esseler men oqyrmandar konkýrstary ótkiziledi.

19 qazan kúni saǵat 9.00-de Saryarqa aýdanynda «Koktal Run» júgirý marafony uıymdastyrylady. Oǵan jeńil atletıkamen aınalysatyn árbir turǵyn qatysa alady. Marafon sońynda balalar men eresekter arasynda 1-2-3 oryn alǵan qatysýshylardy marapattaý ótedi. Marafon jeńimpazdary men júldegerlerine gramotalar, medaldar men baǵaly syılyqtar usynylady.

Sol kúni saǵat 18:00-de E.Rahmadıev atyndaǵy memlekettik akademııalyq fılarmonııada «Uly sheberler murasy» úrmeli orkestriniń merekelik kontserti ótedi.

21 qazan kúni saǵat 10:00-de Esil aýdanynyń uıymdary arasynda «Aspan» SK voleıboldan jarys ótedi.

23 qazan kúni «Jastar» saraıynda saǵat 19:00-de Respýblıka kúnine arnalǵan «Jiger» estradalyq-djaz ansambliniń «Atamekenim» merekelik kontserti ótedi.

Sol kúni Saryarqa aýdanynda ıÝbıleınaıa kóshesi, 22 jáne Jeńis dańǵyly, 34 boıynsha burynǵy bos orynda jańa qoǵamdyq keńistik ashylady. Sondaı-aq, Qosshyǵululy kóshesi, 17 jáne 19 aýlalarynyń abattandyrylýyna arnalǵan mereke ótedi.

25 qazanda saǵat 15.00-den 16.30-ǵa deıin ortalyq alańda jáne elorda saıabaǵynda qazaq estradasynyń juldyzdary men bı ansamblderiniń qatysýymen merekelik kontserttik baǵdarlamalar ótedi. Іs-shara barysynda «gir kóterý», «asyq atý», «qol kúres» jáne t.b ulttyq oıyndar da ótkiziledi.

25 Qazan – Respýblıka kúni Qoshqarbaev, 29/1 mekenjaıy boıynsha Belsendi uzaq ómir súrý ortalyǵynda qarttar arasynda doıbydan jarys ótedi.

25-26 qazan kúnderi Á.Mámbetov atyndaǵy memlekettik drama jáne komedııa teatrynda saǵat 19:00-de avtor Muhtar Shahanovtyń qatysýymen «Tanakóz» spektakliniń premerasy ótedi.

Al 26 jáne 27 qazanda saǵat 19:00-de jas kórermenniń mýzykalyq teatrynda «Gaýhartas» spektakli kórsetiledi.